شىمكەنت قالاسىنىڭ اكىمى مۇرات ايتەنوۆ يندۋستريالدى ايماقتارداعى جاڭا ءوندىرىس ورىندارىنىڭ جۇمىسىمەن تانىستى. قالا اكىمى الدىمەن «وڭتۇستىك» يندۋستريالدى ايماعىنداعى «KazAlPack» ج ش س اليۋمينيي بانكالارىن شىعارۋشى زاۋىت قۇرىلىسىنىڭ بارىسىن ارالاپ كوردى.

«قاراپايىم زاتتار ەكونوميكاسى» باعدارلاماسىمەن قارجىلاندىرىلعان «KazAlPack» الليۋمينيي بانكالار ءوندىرىسى جىل سوڭىنا دەيىن ىسكە قوسىلادى. 157 جۇمىس ورنىمەن اشىلاتىن جوبانى ىسكە اسىرۋعا 23،4 ملرد تەڭگە ينۆەستيسيا تارتىلعان. جىلىنا 500 ملن دانا قالبىر بانكالار شىعارۋعا قاۋقارلى.

جوبا اياسىندا سىرانى، شىرىنداردى، گازدالعان جانە گازدالماعان ءالسىز الكوگولدى جانە الكوگولسىز سۋسىنداردى قۇيۋعا ارنالعان ءتۇرلى كولەمدەگى وڭاي اشىلاتىن قاقپاقتارى بار، اليۋمينيي بانكىلەرىن شىعارۋ جوسپارلانۋدا.
قازىرگى تاڭدا وندىرىستىك جانە قويما ءۇي-جايلارىن سالۋ بويىنشا قۇرىلىس-مونتاجداۋ جۇمىستارى جۇرگىزىلۋدە. وندىرىستىك جابدىقتار كەزەڭ-كەزەڭىمەن جەتكىزىلۋدە. بۇگىندە 80 % قۇرىلىس مونتاج جۇمىستارى اياقتالدى.

ەكولوگيالىق اسپەكت ماڭىزدى فاكتورلاردىڭ ءبىرى. اليۋمينيي بانكى – الەمدەگى ەكولوگيالىق ەڭ تازا جانە قايتا وڭدەلەتىن قاپتاما. اليۋمينيي بانكالارىنىڭ جارتىسىنان كوبى قايتا وڭدەۋگە جىبەرىلەدى. ونى قايتا وڭدەۋگە جانە قايتادان شەكسىز پايدالانۋعا بولادى.

قالا اكىمى كاسىپورىن باسشىلارىنا قۇرىلىس جۇمىستارىمەن قاتار، قازىردەن باستاپ ماماندار دايارلاۋعا، بۇل سالادا كاسىپتىك-تەحنيكالىق كوللەدجدەرمەن مەموراندۋم ءتۇزۋدى تاپسىردى.