«وڭتۇستىك» يندۋستريالدى ايماعىنداعى «فيرما دانا» ج ش س شىنى ءوندىرۋشى كاسىپورنى قارقىندى جۇمىس ىستەۋدە. قالا اكىمى م. ايتەنوۆ 2012-2014 جىلدارى جۇزەگە اسىرىلعان ءوندىرىس ورىننىڭ بۇگىنگى جاعدايىمەن تانىستى.
كاسىپورىن جىلىنا 50 مىڭ شارشى مەتر شىنى وندىرۋدە. جوبا قۇنى – 500 ملن تەڭگە. بۇگىندە 55 ادامدى جۇمىس ورنىمەن قامتاماسىز ەتىپ وتىر. دايىن ونىمدەردى 100 % ىشكى نارىققا شىعارادى. شىمكەنت قالاسىنداعى اينەك وندىرىسىنە ماماندانعان بىردەن-بىر كاسىپورىن.
جاڭا تەحنولوگياعا نەگىزدەلگەن شىنى قىستا ۇيدەگى جىلۋدى ساقتاسا، جازدا بولمەدەگى تەمپەراتۋرانى ءبىرقالىپتى كۇيدە ۇستايدى.
«بيزنەستىڭ جول كارتاسى – 2020» باعدارلاماسى اياسىندا نەسيە قارىزىن سۋبسيديالاۋ، يندۋستريالدى ايماقتان جەر بەرۋ سىندى مەملەكەتتىك قولداۋ كورسەتىلىپ كەلەدى.
قالا اكىمى كاسىپكەرلەرگە ءوندىرىستى كەڭەيتۋدى، بۇل ورايدا جەرگىلىكتى مامانداردى جۇمىسقا تارتۋدى، ونىمدىلىكتى ودان ءارى ارتتىرۋدى تاپسىردى.
