شىمكەنت قالاسىنىڭ مادەنيەت، تىلدەردى دامىتۋ جانە ارحيۆتەر باسقارماسىنىڭ باسشىسى ح.ەسەنوۆا قالا اكىمىنە سالادا 9 ايدا اتقارىلعان جۇمىستاردى باياندادى.

باسقارماعا قاراستى 20 مەكەمە بار. قالا اكىمىنىڭ تاپسىرماسى نەگىزىندە مادەنيەت سالاسىنىڭ 2021-2025 جىلدارعا ارنالعان دامۋ تۇجىرىمداماسى ازىرلەنگەن. بۇل باعىتتار جوعارى بىلىكتى كادرلار دايارلاۋعا جانە دارىندى جاستاردى قولداۋعا ىقپال ەتەتىنى كوزدەلگەن.

بيىل قالادا 10 كىتاپحانانى قايتا جاڭعىرتۋ جوسپارلانىپ، بۇگىنگە دەيىن 6 كىتاپحانا قايتا جاساقتالدى. قالعان 4 كىتاپحانا تاۋەلسىزدىك مەرەكەسى قارساڭىندا پايدالانۋعا بەرىلەدى.

شاھاردىڭ مادەني نىساندارىن كوبەيتۋ ماقساتىندا قالاداعى 4 اۋدانعا تالداۋ جاسالىپ، 25 نۇكتەگە مادەني نىسان قاجەتتىگى انىقتالعان. ونىڭ 16-سى Community Center بولسا، 9-ى مادەنيەت ءۇيى. نىسانداردى سالۋ جۇمىسى كەلەر جىلعا جوسپارلانعان.

وسى جىلى «شىم قالا» تاريحي-مادەني كەشەنى» قۇرىلعان بولاتىن. مۋزەيلەندىرۋدىڭ ءى كەزەڭى اياقتالىپ، 2 مۋزەي، 8 زال، 2 كورمە مۇناراسى جاساقتالدى. ءقازىر ءىى كەزەڭىنە سايكەس، تۇرعىن ءۇي مەن زىنداندا قاجەتتى جۇمىستار اتقارىلۋدا.

بۇگىندە قىزىلجار مادەنيەت ءۇيى مەن اقجار مادەنيەت ۇيلەرى كۇردەلى جوندەۋ جۇرگىزىلۋدە، جىل سوڭىنا دەيىن پايدالانۋعا بەرىلەدى.