شىمكەنت قالاسىنداعى قاراتاۋ ءداستۇرلى ونەر مەكتەبىندە تاۋەلسىزدىكتىڭ 30 جىلدىعى وراي ۇيىمداستىرىلعان «Qazaq Epos» رەسپۋبليكالىق اعارتۋ جوباسى اياسىندا «تۇلپار ءمىنىپ، تۋ العان!» بايقاۋى باستاۋ الدى.

بايقاۋ شىمكەنت قالاسى ءبىلىم باسقارماسىنا قاراستى ءبىلىم بەرۋ مەكەمەلەرىنىڭ 6-10 سىنىپ وقۋشىلارىنىڭ اراسىندا وتكىزىلۋدە.

بايقاۋدى جاريالاۋداعى ماقسات- ەلباسى ن.ءا.نازاربايەۆتىڭ «بولاشاققا باعدار: رۋحاني جاڭعىرۋ»، «ۇلى دالانىڭ جەتى قىرى» ماقالالارىندا جانە پرەزيدەنت ق. توقايەۆتىڭ «تاۋەلسىزدىك بارىنەن قىمبات» اتتى ماقالاسىندا جۇكتەلگەن مىندەتتەردى جۇزەگە اسىرۋ.

جالپى رەسپۋبليكالىق بايقاۋ بالالار اراسىندا كىتاپ وقۋدى جانە قازاق حالقىنىڭ باتىرلىق ەپوستارىن ناسيحاتتاۋعا، شىعارماشىلىق جانە زياتكەرلىك قابىلەتىن دامىتۋعا، كوركەم ادەبيەتكە دەگەن سۇيىسپەنشىلىگىن وياتۋعا باعىتتالعان.

بايقاۋدىڭ ەرەجەسىنە سايكەس «تۇلپار ءمىنىپ، تۋ العان!» بايقاۋىنا قاتىسۋشىلار «ەدىگە باتىر» جىرىن جاتقا ايتىپ، جىردىڭ ىشىندەگى كونەرگەن، تاريحي سوزدەردىڭ ماعىناسىن اشىپ، 6-10 سىنىپتىڭ قازاق ءتىلى مەن ادەبيەتى وقۋلىعى بويىنشا ازىرلەنگەن سۇراقتارعا جاۋاپ بەرەدى.

جەڭىمپاز اتانعان وقۋشى رەسپۋبليكالىق بايقاۋعا جولداما الادى.