بيىل شىمكەنتتە ەلدى مەكەندەردى ينفراقۇرىلىممەن قامتۋ جۇمىستارى قارقىندى ىسكە اسىرىلا باستادى. ماسەلەن، قالاداعى 81 ەلدى مەكەننىڭ 65ء-ى ساپالى ەلەكترمەن قامتىلسا،16-سى جارىقتى جەكەمەنشىك جۇيە ارقىلى پايدالانادى. ەنەرگەتيكا جانە كوممۋنالدىق شارۋاشىلىق باسقارماسىنىڭ دەرەگىنشە، بيىل ەلەكترمەن قامتۋ ءۇشىن 11،4 ملرد. تەڭگەگە 4 قوسالقى ستانسيا مەن 16 ەلدى مەكەندە ىشكى جۇيەلەرىنىڭ قۇرىلىسى جۇرۋدە.

جىل سوڭىنا دەيىن اقجار، جالىن، دوستىق، ىنتىماق-2، ايكول، يگىلىك جانە تاۋەلسىزدىككە 20 جىل تۇرعىن الابىندا قۇرىلىس جۇمىستارى اياقتالىپ، 21 مىڭنان استام تۇرعىن ساپالى ەلەكترمەن قامتىلادى. ناتيجەسىندە قامتۋ كورسەتكىشى 95%-دان 97%-عا جەتەدى.

ال، جاڭاتالاپ، قاينار بۇلاق ، سولتۇستىك ساياجاي، دوستىق، بوزارىق-2، باتىس، تۇران، نۇرتاس جانە ساۋلە شاعىناۋداندارى 2022 جىلعا وتپەلى. ياعني جۇمىستار كەلەسى جىلى اياقتالادى.

ايتا كەتەيىك، قالانىڭ دامۋ جوسپارىنا سايكەس 2021-2025 جىلدار ارالىعىندا 6 قوسالقى ستانسيانى پايدالانۋعا بەرۋ جوسپارلانعان. شاھاردا 2023 جىلى قىزىلسۋ 220كۆ جانە ۆل 220 كۆ قوسالقى ستانسياسىنىڭ قۇرىلىسى باستالسا، 2024 جىلى وڭتۇستىك 220كۆ، تۇران 110كۆ، يپپودروم 110كۆ، شىمسيتي 110ك ستانسيالىرانىڭ قۇرىلىسى جۇرگىزىلەدى. اتالعان جۇمىستار جۇزەگە اسىرىلعاندا 2025 جىلى قالادا ساپالى ەلەكترمەن قامتۋ كورسەتكىشى 100 پايىزعا جەتەدى دەپ كۇتىلۋدە.