شىمكەنتتە جولداردى قاردان تازالاۋ جۇمىستارى قارقىندى جۇرگىزىلۋدە. ەڭبەكشى اۋدانى اۋماعىنداعى ورتالىق 76 كوشە مەن ىشكى ورام كوشەلەردى تازالاۋ جۇمىستارى 10 باعىتقا ءبولىندى. ءار باعىت بويىنشا ءتيىستى ارنايى تەحنيكالار مەن جۇمىسشىلار كەستەگە سايكەس قاردان تازالاۋ جۇمىستارىن جۇرگىزۋدە.

بيىل قىس مەزگىلىندە كوشەلەردى تازارتۋ ءۇشىن 30 بىرلىك تەحنيكا، 4 بىرلىك تيەگىش (پوگرۋزچيك) تەحنيكاسى، 11 تراكتور، 10 بىرلىك ساموسۆال تەحنيكاسى، جۇمىسشىلاردى تاسىمالداۋ ءۇشىن 4 بىرلىك اۆتوبۋس تەحنيكاسى، 1 بىرلىك "اۆتوماستەرسكايا" تەحنيكاسى، جالپى 60 تەحنيكا 210 جۇمىسشى جۇمىلدىرىلعان.

قوسىمشا قاجەتتىلىككە بايلانىستى «لتد تۇرمىس» ج ش س تاراپىنان 19 جالدامالى تەحنيكامەن كەلىسىمشارت جاسالعان. سونىمەن قاتار، قازىرگى تاڭدا كوشەلەرگە سەبەتىن تايعاققا قارسى قويمادا 815 م3 ينەرتتى زات بار.