پاراساتتىلىق مادەنيەتىن ىلگەرىلەتۋ بويىنشا كەشەندى جوسپاردىڭ اياسىندا شىمكەنت قالالىق ىشكى ساياسات جانە جاستار ىستەرى جونىندەگى باسقارماسىنىڭ «قوعامدىق كەلىسىم» كمم تاراپىنان جىل سوڭىنا دەيىن سىبايلاس جەمقورلىقتىڭ الدىن الۋ ماسەلەلەرى بويىنشا ءدىني بىرلەستىكتەرمەن جانە ءتۇرلى ەتنوستار وكىلدەرىمەن بىرلەسكەن ءىس-شارالار وتكىزۋ جونىندە كەستە جاسالعان.

وسى كەستەگە سايكەس، 2021 جىلعى 16 قاراشا كۇنى «قازاقستان حالقى اسسامبلەياسى» عيماراتىندا «قوعامدىق كەلىسىم» كمم-نىڭ ۇيىمداستىرۋىمەن سىبايلاس جەمقورلىقتىڭ الدىن الۋ ماسەلەلەرى بويىنشا ءتۇرلى ەتنوستار وكىلدەرىمەن بىرلەسكەن كەزدەسۋ ءوتتى.

شىمكەنت قالالىق كورەي، گرەك، وزبەك ەتنومادەني بىرلەستىكتەردىڭ وكىلدەرى قاتىسقان كەزدەسۋدى قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگىنىڭ شىمكەنت قالاسى بويىنشا دەپارتامەنتىنىڭ باس مامانى ج.الجانوۆا جۇرگىزدى.

مەملەكەتتىڭ ۇلتتىق قاۋىپسىزدىگىنە زيان تيگىزەتىن ەڭ ءقاۋىپتى  فاكتورلاردىڭ ءبىرى سىبايلاس جەمقورلىق بويىنشا ءسوز ەتكەن ج.الجانوۆا: – جەمقورلىقتىڭ ءجيى بوي كورسەتەتىن، ەڭ ءقاۋىپتى ءتۇرى – پاراقورلىق. الدىمەن پارا بەرۋدىڭ سەبەپتەرىن، پاراعا دەگەن ىقىلاستىڭ ءتۇپ-تامىرىن جويۋ ءۇشىن قوعام بولىپ بەلسەندىلىك تانىتۋىمىز كەرەك. پارا الۋ مەن پارا بەرۋدىڭ دە پايداسىز، ەل ەرتەڭى ءۇشىن وراسان زياندىلىعىن ەل تۇرعىندارىنا جان-جاقتى ۇعىندىرىپ،  سىبايلاستىقتىڭ كەز كەلگەن كورىنىستەرىنە قارسى تۇراتىن قوعامدىق سانا قالىپتاستىرۋىمىز قاجەت، – دەدى.

سونىمەن قاتار، كەزدەسۋ بارىسىندا  كوپتەگەن كەلەلى ماسەلەلەر قوزعالىپ، سىبايلاس جەمقورلىقتىڭ الدىن الۋ باعىتىندا ءتيىستى جۇمىستار جۇرگىزۋدى ەتنوس وكىلدەرى وسى باعىتتاعى جۇمىستاردىڭ ءارى قاراي جالعاساتىندىعىنا سەنىم ءبىلدىردى.