قالامىزدا ءۇش كۇنگە سوزىلعان «شىمكەنت ونىمدەرى» جەرگىلىكتى وتاندىق تاۋار وندىرۋشىلەر كورمەسى ءوتتى. كورمەگە جالپى 90 نان استام كاسىپورىن قاتىسىپ، حالىققا ءوز ونىمدەرىن تانىستىردى.

«حالىق تاڭداۋى» ارقىلى داۋىس بەرۋ قورىتىندىسى بويىنشا ەڭ كوپ داۋىس جيناعان 10 كاسىپورىن جانە ءار سالا بويىنشا ۇزدىك ءونىم شىعاراتىن 9 كاسىپورىن جەڭىمپاز اتاندى. جەڭىمپازدار قارجىلاي جانە باعالى سىيلىقتارمەن ماراپاتتالدى.

سونىڭ ىشىندە، «حيميا ونەركاسىبى» سالاسىنىڭ جەڭىمپازى سۇلتانقۇلوۆ قاعانات ابدۋراحمان ۇلى باسقاراتىن «Best Home Kz» ج ش س بولىپ تانىلدى. «وڭتۇستىك» يندۋستريالى ايماعىندا ورنالاسقان كاسىپورىن 2018 جىلدان باستاپ ىسكە قوسىلعان. بۇگىنگى تاڭدا، تۇركىستان، جامبىل وبلىستارىندا لاك-بويا ونىمدەرىن شىعاراتىن سەحتارى دا ىسكە قوسىلىپ، حالىقتى ساپالى ونىممەن قامتاماسىز ەتۋدە.

سوڭعى 10 ايدىڭ كورسەتكىشىمەن 400 توننادان استام ءونىم شىعارعان لاك-بويا سەحى «New Color» برەندىمەن سۋلى-ديسپەرسيالىك بوياۋ، اكريلدى بوياۋ، لاكتار، اكريلدى جەلىم، ساندىك سىلاقتار شىعارۋمەن اينالىسادى. ساپالى لاك-بوياۋ ونىمدەرىن ءوندىرۋدىڭ زاماناۋي تەحنولوگيالارى، يمپورتتىق جابدىقتار، قىزمەتكەرلەردىڭ جوعارى بىلىكتىلىگىن العا تارتا وتىرىپ، قارقىندى جۇمىس جاساۋدا.