– بۇگىنگى كۇنى زاڭنامادا مەملەكەتىك قىزمەتشىگە قوسىمشا جۇمىسپەن اينالىسۋعا رۇقسات بەرەتىن نورما جوق. ءبىراق ءبىز بولاشاقتا زاڭعا ەنگىزۋدى ويلاستىرىپ جاتىرمىز. ياعني جۇمىستان بوس كەزىندە قوسىمشا جۇمىسپەن اينالىسۋعا بولادى دەپ كىرگىزەمىز. ءدال ءقازىر زاڭنامادا بۇل جوق. ءبىراق ءبىز دايىنداپ جاتىرمىز، – دەدى اگەنتتىك باسشىسى.

ول مەملەكەتتىك قىزمەتشى جۇمىستان تىس ۋاقىتتا كاسىپكەرلىككە جاتپايتىن قىزمەت تۇرلەرىن ۇسىنۋ ارقىلى تابىس تابا الۋعا ءتيىس دەپ سانايدى.

– نەلىكتەن ولارعا قوسىمشا جۇمىس ىستەۋگە بولمايدى؟ بولادى. ءبىراق كاسىپكەرلىكپەن ەمەس. مىسالى، جۇمىستان بوس كەزىندە تاكسيست بولىپ جۇمىس ىستەۋگە بولادى دەگەن سياقتى. وتباسىن اسىراۋعا قوسىمشا قاراجات كەرەك بولسا، سوعان رۇقسات بەرەتىندەي زاڭنامالىق وزگەرىستەر دايىنداپ جاتىرمىز. ءبىراق ول ءالى قابىلدانعان جوق. ال كاسىپكەرلىكپەن اينالىسۋعا بولمايدى، – دەدى انار جايىلعانوۆا.

قازاقستان رەسپۋبليكاسى مەملەكەتتىك قىزمەت تۋرالى زاڭىنىڭ 1-تاراۋ 13-بابى 3-بولىگىنە ساي، مەملەكەتتىك قىزمەتشى گە كاسiپكەرلiك قىزمەتپەن اينالىسۋعا، كوممەرسيالىق ۇيىمدى باسقارۋعا تىيىم سالىنعان.