اسقار قۋانىش ۇلى وماروۆ قازاقستان رەسپۋبليكاسىنىڭ اقپارات جانە قوعامدىق دامۋ ءمينيسترى بولىپ تاعايىندالدى. بۇل تۋرالى اقوردا سايتى حابارلادى.
اسقار وماروۆ 1976 جىلى الماتى قالاسىندا دۇنيەگە كەلگەن. "تۇران" ۋنيۆەرسيتەتىن بىتىرگەن.
1997-1998 جىلدارى - "مادەنيەت پروبلەمالارىنىڭ رەسپۋبليكالىق عىلىمي ورتالىعى" الەۋمەتتىك-ەكونوميكالىق پروبلەمالار سەكتورىنىڭ جەتەكشى مامانى. 1998-1999 جىلدارى - "قازاقستاننىڭ شاعىن بيزنەسى" جۋرنالىندا ماركەتينگ جونىندەگى مامان، 2001-2005 جىلدارى - "رگ" نوۆوستي نەدەلي" ج ش س كوررەسپوندەنتى، 2005-2006 جىلدارى - "قازاقستان "رترك" اق - "استانا" فيليالى اقپاراتتىق-تالداۋ باعدارلامالارى ديرەكسياسى الماتى بيۋروسىنىڭ شەف-رەداكتورى بولعان.
مۇنان كەيىن ءتۇرلى جەكە ۇيىمداردا باسشىلىق قىزمەتتەر اتقارعان.
- 2008-2010 جىلدارى - "نۇر-مەديا" ج ش س ديرەكتورى، باس ديرەكتورىنىڭ ورىنباسارى.
- 2011-2013 جىلدارى - "تۇركى اكادەمياسى" كەاق ۆيسە-پرەزيدەنتى.
- 2014 جىلى - "استانا ەكسپو-2017 "ۇك" اق باسقارۋشى ديرەكتورى.
- 2016-2017 جىلدارى - قوعامدىق قور پرەزيدەنتى.
- 2017-2020 جىلدارى - "قازاقپارات" حاا ج ش س باس ديرەكتورى.
- 2020 جىلدىڭ قاڭتارىنان باستاپ - "قازاقپارات" حاا اق باسقارما ءتوراعاسى.
