جۋرناليست، "Malim.kz" سايتىنىڭ باس رەداكتورى رۋسلان ەربوتا الماتى وبلىسى اكىمى باسپا ءسوز قىزمەتىنىڭ باسشىسى بولىپ تاعايىندالدى.
"الماتى وبلىسى اكىمى اپپاراتى باسشىسىنىڭ بۇيرىعىمەن سارسەيەۆ رۋسلان ەربول ۇلى الماتى وبلىسى اكىمى باسپا ءسوز قىزمەتىنىڭ باسشىسى – باسپا ءسوز حاتشىسىنىڭ مىندەتىن اتقارۋشى بولىپ تاعايىندالدى" دەلىنگەن اكىمشىلىكتىڭ باسپا ءسوز قىزمەتى تاراتقان اقپاراتتا.
رۋسلان ەربوتا ءار جىلدارى ازاتتىق راديوسىندا، 31 تەلەارناداعى ينفورمبيۋرو باعدارلاماسىندا جۋرناليست بولىپ ىستەگەن. 2017-2020 جىلدار ارالىعىندا "جاسالاش" گازەتىنىڭ باس رەداكتورى بولعان.
سوڭعى جىلدارى "Malim.kz" دەگەن سايت اشىپ، سونىڭ جۇمىسىنا جەتەكشىلىك ەتكەن. تاۋەلسىز جۋرناليستيكانى دامىتۋعا اتسالىسقان.
جۋرناليستىك قىزمەتتە قوعامدىق-ساياسي تاقىرىپتارعا قالام تەربەگەن.
بۇعان دەيىن الماتى وبلىسى اكىمى باسپا ءسوز قىزمەتىنىڭ باسشىسى قىزمەتىن ايدار باشبايەۆ اتقارعان.
پىكىر قالدىرۋ