اقپاراتتىق حابارلامادا 2022 جىلعى قاڭتاردىڭ 4-ىنەن 5-ىنە قاراعان ءتۇنى الماتىدا قالا اكىمدىگىنىڭ عيماراتىن باسىپ الۋ كەزىندەگى تارتىپسىزدىكتەرگە بەلسەندى قاتىسقان ەكى شەتەلدىك ازامات انىقتالعانى ايتىلعان.

"اتالعان ادامدارمەن عيماراتتى قورعاپ جۇرگەن مامانداندىرىلعان كۇزەت قىزمەتىنىڭ قارۋسىز قىزمەتكەرلەرىنە قارسى قاتىگەزدىكپەن كۇش قولدانعان. ولار پوليسەيلەرگە دەنە جاراقاتتارىن بۇرىن تارتىپ الىنعان ارنايى قۇرالدارمەن (قالقاندار، تاياقشالار) جاساعان. بەينەماتەريالداردى سايكەستەندىرۋ ناتيجەسىندە قىلمىسكەرلەردىڭ جەكە باستارى انىقتالدى. اعىمداعى جىلعى 1 اقپاندا ولار سوتتىڭ سانكسياسىمەن قاماۋعا الىندى. ولاردىڭ قىلمىستىق ارەكەتتەرى قىلمىستىق كودەكستىڭ 272-بابىنىڭ 2-بولىگى (جاپپاي تارتىپسىزدىكتەرگە قاتىسۋ)، 380-بابى 3-بولىگىنىڭ 1،4-تارماقتارى (بيلىك وكىلىنە كۇش قولدانۋ) بويىنشا سارالاندى. 2022 جىلعى 6 قاڭتاردا قىلمىسكەرلەر تەلەەفير ۇيىمداستىرۋ ماقساتىندا "كوكتوبە" تەلەمۇناراسىن باسىپ الۋدى جوسپارلاپ، ول ءۇشىن بەيبىت تۇرعىنداردى بىرلەسىپ قىلمىس جاساۋعا كوندىرە باستاعان جانە قىلمىسكەرلەر ولاردىڭ ومىرىنە ءقاۋىپ توندىرگەن. 1992 جىلى تۋعان ازامات باس تارتقان سوڭ قىلمىسكەرلەر وعان مىلتىقپەن ەكى رەت وق اتقان، ناتيجەسىندە جابىرلەنۋشى قولىنان جانە جىنىس مۇشەلەرى تۇسىنان جاراقات العان. اتالعان قىلمىستىڭ ۇيىمداستىرۋشىسى ۇستالدى، ول بۇرىن سوتتالعان 1983 جىلى تۋعان الماتى قالاسى ماڭىنىڭ تۇرعىنى بولىپ شىقتى. ونىڭ قىلمىسقا قاتىستىلىعى كۋاگەرلەردىڭ تۇسىنىكتەمەلەرىمەن دالەلدەنەدى. ول ا.ج. 25 قاڭتاردا سوتتىڭ سانكسياسىمەن قاماۋعا الىندى" دەلىنگەن باس پروكۋراتۋرا حابارلاماسىندا.