ق ر پرەمەر-مينيسترىنىڭ ءبىرىنشى رومان سكليار ۋتيليزاسيالىق الىم كولەمىن 50 پايىزعا دەيىن تومەندەتۋ تۋرالى شەشىم قابىلدانعانىن ءمالىم ەتتى.
الايدا بۇل جاڭالىققا قۋانىپ جاتقاندار كوپ ەمەس. "ۋتيلالىمعا جول جوق" توبىنىڭ بەلسەندىسى نۋريددين سادىقوۆ ءبىر كۇن بۇرىن ۋتيليزاسيالىق الىم ستاۆكاسىن 50 پايىزعا دەيىن تومەندەتۋ تۋرالى شەشىم قابىلدانىپ جاتسا، كەلىسپەيتىنىن مالىمدەگەن.
الەۋمەتتىك جەلىدەگى اڭگىمە اۋانىنا قاراپ تا ۇكىمەت شەشىمىن قۇپتاپ وتىرعاندار جوققا ءتان ەكەنىن اڭعارۋعا بولادى.
جۋرناليست ريزا تۇرداقىن قىزى قابىلدانعان شەشىم حالىقتى الداۋ دەپ سانايدى.
قاڭتار وقيعاسىنان كەيىن پرەزيدەنت قاسىم-جومارت توقايەۆ ۇكىمەتكە ۋتيليزاسيالىق الىم ستاۆكاسىن قايتا قاراۋدى جانە "وپەراتور "روپ-تىڭ" قىزمەتىن توقتاتۋدى تاپسىرعان. اشىق دەرەككوزدەردە "وپەراتور "روپ" ەكس-پرەزيدەنت نۇرسۇلتان نازاربايەۆتىڭ كەنجە قىزى ءاليا نازاربايەۆاعا تيەسىلى ەكەنى ايتىلادى.
19 قاڭتاردا ۇكىمەت "وكم وپەراتورى" جشس-نىڭ (وپەراتور روپ) قىزمەتىن توقتاتىپ، وندىرۋشىلەردىڭ كەڭەيتىلگەن مىندەتتەمەلەرىن، اكىمشىلەندىرۋ فۋنكسيالارىن مەملەكەتتىك ۇيىم – "جاسىل دامۋ" اق ورىندايتىنىن حابارلاعان. ۇزاماي جۋرناليست ۆاديم بورەيكو ۋتيلالىم جينايتىن جاڭا ۇيىم رەتىندە بەلگىلەنگەن "جاسىل دامۋ" اكسيونەرلىك قوعامىنا ءاليا نازاربايەۆانىڭ قاتىسى بار ەكەنى تۋرالى جازدى. بۇعان قاتىستى ۇكىمەت رەاكسيا تانىتقان جوق.
پىكىر قالدىرۋ