"حابار 24" تەلەارناسىنىڭ ديرەكتورى قىزمەتىنە ايگۇل ءادىلوۆا تاعايىندالدى. بۇل تۋرالى "حابار” اگەنتتىگى" اق باسقارما ءتوراعاسى بەرىك ءۋالي حابارلادى.
"ايگۇل نۇرحان قىزى – ەلىمىزگە بەلگىلى تەلەجۋرناليست، تاجىريبەسى مول، جوعارى بىلىكتى مامان. ەڭبەك جولىن اقتوبەدە باستاپ، "ريكا تۆ"، "استانا" تەلەارنالارىندا، "قازاقستان" رترك وبلىستىق فيليالىندا ءتىلشى، جاڭالىقتار جۇرگىزۋشىسى قىزمەتتەرىن اتقاردى. كەيىن "ەۆرازيا" ءبىرىنشى ارناسىنىڭ" ءتىلشىسى، ساراپتامالىق باعدارلامالار رەداكتورى، ءبىرقاتار تەلەجوبالاردىڭ جەتەكشىسى رەتىندە تانىلدى. "حابار" اگەنتتىگىندە ەڭبەك ەتىپ كەلە جاتقانىنا 7 جىلدان استى. ءتىلشى، رەداكتور، جۇرگىزۋشى بولىپ، جاڭالىقتار جانە ساراپتامالىق حابارلارعا جەتەكشىلىك ەتتى. ب ا ق سالاسىنداعى بىرنەشە رەسپۋبليكالىق بايقاۋدىڭ جەڭىمپازى اتاندى. ارىپتەسىمىزگە جاۋاپكەرشىلىگى مول جاڭا قىزمەتىندە جەمىستى ەڭبەك ەتىپ، تابىسقا جەتۋىنە تىلەكتەستىك بىلدىرەمىز" دەلىنگەن بەرىك ءۋاليدىڭ جازباسىندا.
ايگۇل ءادىلوۆا "شتريحي ك پورترەتۋ" دەگەن جوباسى اياسىندا قازاقستاننىڭ تۇڭعىش پرەزيدەنتى نۇرسۇلتان نازاربايەۆتان بىرنەشە مارتە سۇحبات العان. جۋرناليست بۇل جوبانعى ەلباسىنىڭ باسپا ءسوز قىزمەتىمەن بىرلەسىپ جاساعان.
پىكىر قالدىرۋ