ماڭعىستاۋ وبلىسى جاڭاوزەن قالاسىندا بىرنەشە ونداعان جۇمىسسىز جاستار قالالىق اكىمشىلىك عيماراتى الدىنا جينالىپ، پرەزيدەنتكە بەينەۇندەۋ جولدادى، دەپ حابارلادى Lada.kz پورتالى.
جينالعاندار بيىلعى اقپانداعى جۇمىسسىزدار شەرۋىنەن كەيىن جاڭاوزەن اكىمشىلىگى 160 ادامدى اقتاۋدا مۇنايشى ماماندىعى بويىنشا وقىتىپ، "وزەنمۇنايگاز" كومپانياسىنا جۇمىسقا تۇرعىزۋعا، 270-350 مىڭ تەڭگە كولەمىندە جالاقى تولەۋگە ۋادە ەتكەنىن ايتادى. الايدا بۇگىنگە دەيىن ۋادە ەتىلگەن جۇمىس تا، جالاقى دا جوق.
ۇسىنىلعان مەكەمەدەگى جۇمىس وقىتىلعان ماماندىققا دا، ازاماتتار تالابىنا دا سايكەس كەلمەيدى. سوندىقتان جاستار "وزەنمۇنايگازعا" قاراستى كومپانيالاردىڭ بىرىنە ماماندىق بويىنشا جۇمىسقا تۇرۋلارىنا ىقپال ەتۋدى سۇرايدى.
ۆيدەوۇندەۋ پرەزيدەنت قاسىم-جومارت توقايەۆقا، ماڭعىستاۋ وبلىسىنىڭ اكىمى نۇرلان نوعايەۆقا، جاڭاوزەن قالاسىنىڭ اكىمى ايبەك قوسۋاقوۆكە، "وزەنمۇنايگاز" كومپانياسىنىڭ باس ديرەكتورى ماقسات يباعاروۆقا ارنالعان.
پىكىر قالدىرۋ