الماتى حالقىنىڭ سانى 2005،496 ادام بولسا، قالادا 100-دەن استام ۇلت وكىلدەرى تۇرادى. وڭتۇستىك ەلوردا حالقىنىڭ ەتنيكالىق قۇرامىندا توعىز ۇلت ەڭ كوپ بولىپ سانالادى: قازاقتار – 1 177 815 ادام (60،58%)، ورىستار – 465 982 (24،3%)، ۇيعىرلار-103 830 (5،34%)، كورەيلەر-34 705 (1،78 %)، تاتارلار-25 090 (1،29%)، ءازىربايجاندار – 13 944 (0،71%)، وزبەكتەر – 12 432 (0،63%)، دۇنگەندەر – 10 984 (0،56%)، ۋكرايندار – 10 213 (0،52%).
قازاقستاندا ەتنوسارالىق قاتىناستاردى رەتتەۋدىڭ جەتەكشى الەۋمەتتىك-ساياسي ينستيتۋتى قازاقستان حالقى اسسامبلەياسى (قحا) بولىپ تابىلادى. اسسامبلەيا قازاقستان رەسپۋبليكاسى پرەزيدەنتىنىڭ 1995 جىلعى 1 ناۋرىزداعى جارلىعىمەن قۇرىلدى. قحا-نىڭ باستى فۋنكسياسى مەملەكەتتىك ۇلتتىق ساياساتتى ازىرلەۋگە جانە جۇرگىزۋگە جاردەمدەسۋ بولىپ تابىلادى.
2021 جىلعى 1 جەلتوقساندا قازاقستان رەسپۋبليكاسى تاۋەلسىزدىگىنىڭ 30 جىلدىعى قارساڭىندا قالالىق دوستىق ءۇيى اشىلدى. ونىڭ قابىرعاسىندا الماتىنىڭ 18 ەتنومادەني بىرلەستىگىن شاڭىراق استىندا جيناعان قازاقستان حالقىنىڭ قالالىق اسسامبلەياسى جۇمىس ىستەيدى. ونىڭ قىزمەتىن الماتى قالاسى قوعامدىق دامۋ باسقارماسىنىڭ "قوعامدىق كەلىسىم" كمم قامتاماسىز ەتەدى.
پىكىر قالدىرۋ