شەشەندىك ونەردىڭ شەبەرحاناسىنا اينالعان اباي اتىنداعى رەسپۋبليكالىق مەكتەپ-ينتەرناتىندا جاس ءدىلمارلار سايىسى وتەدى. 

شاراعا رەسپۋبليكالىق «ءدىلمار»، «اقبەرەن» جانە جەلىلىك اباي مەكتەپتەرى اراسىندا وتەتىن «ءىشى التىن، سىرتى كۇمىس ءسوز جاقسىسى...» شەشەندىك ونەر بايقاۋلارىنىڭ قاتىسۋشىلارى مەن جۇلدەگەرلەرى، اباي اتىنداعى رممي-دىڭ «جىل شەشەندەرى»، اباي مەكتەبى مەن قىزدار ۇلتتىق پەداگوگيكالىق ۋنيۆەرسيتەتىنىڭ ستۋدەنتتەرى اراسىندا وتكەن جارىستىڭ جەڭىمپازدارى قاتىسىپ، ءسوز دوداسىنىڭ كورىگىن قىزدىرادى.

وسىلايشا، بابالار مۇراسىن بالالار جادىندا تاعى ءبىر مارتە جاڭعىرىپ، كوركەم، كەستەلى ءسوز، وبرازدى سويلەۋ، وي ۇشقىرلىعى مەن سوزگە تاپقىرلىق قابىلەتى سىنعا تۇسەدى. بۇل بولاشاق شەشەندەردى دايىنداۋدىڭ ەڭ ءتيىمدى ءارى قالىپتاسقان جولى.

جوبا اۆتورى جۋرناليست، اتالعان مەكتەپتىڭ «شەشەندىك ءسوز ونەرى ءپانىنىڭ» ءمۇعالىمى جارقىن سالەن ۇلى. ارنايى سايىسقا اباي اتىنداعى قازۇپۋ، ءال-فارابي اتىنداعى قازۇۋ، قازاق ۇلتتىق قىزدار پەداگوگيكالىق ۋنيۆەرسيتەتى، الماتى مەملەكەتتىك سەرۆيس جانە تەحنولوگيالار كوللەدجىنىڭ ستۋدەنتتەرى، «كۋرسانت» جالپى ءبىلىم بەرۋ مەكتەبىنىڭ 11-سىنىپ وقۋشىسى جانە رەسپۋبليكالىق دارىندى بالالارعا ارنالعان مەكتەپ-ينتەرناتىنىڭ وقۋشىلارى جۇپتاسىپ، جەرەبە ارقىلى تاقىرىپ تالداپ، جەكپە-جەك تۇرىندە شەشەندىك شەبەرلىكتەرىن كورسەتەدى.

ادەبيەت پەن ءتىل سالاسىنىڭ مايتالمان ماماندارى، تانىمال جۋرناليستەر قازىلىق جاساپ، قاتىسۋشىلاردىڭ شىڭدالۋىنا باعىت-باعدار بەرەدى. سونداي-اق، 8-سىنىپتار اراسىندا شەشەندىك جانە عيبراتتى سوزدەردى بۇگىنگى كۇندەلىكتى ومىرمەن بايلانىستىرىپ قولدانۋ دەڭگەيىن انىقتاۋ جارىسى ءوتىپ، جەڭىمپازدار انىقتالادى.

يگىلىگى مول ءىس-شارانىڭ ۇيىمداستىرۋشىسى اباي اتىنداعى رممي-دىڭ «ءدىلمار» شەشەندىك ونەر ۇيىرمەسى.