اباي وبلىسى كوكپەكتى اۋدانىندا قامىس ورتەنىپ جاتقانى حابارلاندى. ءورت كەشە ساعات 11:00-دە باستالعان.
"كوكپەكتى اۋدانى ۇلگىلى-مالشى اۋىلىنان 50 شاقىرىم جەردە قامىس ورتەندى. وقيعا ورنىنا قاراۋىلداۋ جۇزەگە اسىراتىن جەرگىلىكتى اتقارۋشى ورگانداردىڭ بەيىندى قىزمەتتەرىنىڭ وكىلدەرى دەرەۋ شىقتى"، - دەلىنگەن حابارلامادا.
ءورت شامامەن 200 گەكتار جەرگە تاراعان.
"ەلدى-مەكەندەرگە ءقاۋىپ جوق. قازا تاپقاندار مەن زارداپ شەككەندەر جوق"، - دەلىنگەن وبلىستىق تجد حابارلاماسىندا.
ۇلگىلى-مالشى اۋىلدىق وكرۋگى اكىمدىگىنىڭ اقپاراتى بويىنشا مەملەكەتتىك ورتكە قارسى قىزمەت ورگاندارىنىڭ كۇشتەرى مەن قۇرالدارىنىڭ تارتىلۋى قاجەت ەمەس.
پىكىر قالدىرۋ