اتىراۋ وبلىسىنىڭ ءبىلىم باسقارماسى قايعىلى وقيعانىڭ بارلىق ءمان-جايىن تەكسەرۋ ءۇشىن ارنايى كوميسسيا قۇرىلعانىن مالىمدەدى.
باسقارمانىڭ حابارلاۋىنشا، 77 ادامنان تۇراتىن توپ (4 تالىمگەر، 73 بالا) "اتىراۋ-استراحان" پويىزىمەن جەلەزنوۆودسك قالاسىنداعى "قازاقستان گەولوگى" ساناتورييىنە بارا جاتقان. جولعا شىققاننان كەيىن 1،5 ساعاتتان سوڭ بالالاردىڭ ءبىرى ءوزىن جايسىز سەزىنگەننەن كەيىن جەدەل جاردەم شاقىرىلعان. ول نارىن ستانسياسىنا كەلگەن جەدەل جاردەم بريگاداسى بالانىڭ قايتىس بولعانىن انىقتادى.
"اتىراۋ وبلىسىنىڭ ءبىلىم باسقارماسى قۇزىرلى ورگاندارمەن بىرلەسىپ، وسى قايعىلى وقيعانىڭ بارلىق ءمان-جايىن تەكسەرۋ ءۇشىن كوميسسيا قۇردى. پويىزدا جولاۋشىلار وزدەرى الىپ كەلگەن تاماقتى ىشكەنىن حابارلايمىز"، - دەدى ۆەدومستۆوداعىلار.
قازىرگى ۋاقىتتا بالانىڭ دەنەسى سوت-مەديسينالىق ساراپتاماعا جىبەرىلدى. ءبىلىم باسقارماسى قايتىس بولعان بالانىڭ وتباسىنا بارلىق قاجەتتى كومەكتى كورسەتىلەتىنىن ايتتى. اتالعان دەرەككە بايلانىستى قىلمىستىق ءىس قوزعالدى.
پىكىر قالدىرۋ