الماتى اكىمدىگى اۆتوتۇراققا قويىلعان اۆتوبۋستارعا قاتىستى تۇسىنىكتەمە بەردى. قالا ءماسليحاتىنىڭ كەزەكتەن تىس VII سەسسياسىندا دەپۋتات تيمۋر ەلەۋسىزوۆ "اۆتوبۋستار زيراتى" تۋرالى ماسەلەنى كوتەردى.
"ءبىز ۇزاق جىلداردان بەرى جولاۋشىلار تاسىمالىن سۋبسيديالاۋ بويىنشا اكىمدىككە قولداۋ ءبىلدىرىپ كەلەمىز، ويتكەنى ولاردىڭ شىعىنى كوپ. بيىل ءبىز 600 اۆتوبۋس پەن 100 تروللەيبۋس الۋعا اقشا ءبولىپ جاتىرمىز"، - دەپ اتاپ ءوتتى دەپۋتات.
ونىڭ ايتۋىنشا، الەۋمەتتىك جەلىدە قالاداعى "اۆتوبۋستار زيراتىنا" قاتىستى ماسەلە ءجيى ءسوز بولادى.
"نەلىكتەن 600 اۆتوبۋس جۇمىس ىستەمەيدى جانە تۇراقتا تۇر – نەگە قوسالقى بولشەكتەر ساتىپ الىنىپ، ءارى قاراي پايدالانىلمايدى؟" دەپۋتات سۇرادى.
قالالىق موبيلدىلىك باسقارماسىنىڭ باسشىسى ساعىندىق تەلىبايەۆ اۆتوتۇراقتا 823 اۆتوبۋس بار ەكەنىن، ونىڭ 651 بىرلىگىن بۇرىن سەنىمگەرلىك باسقارۋ نەگىزىندە Green Bus ج ش س پايدالانعانىن ايتتى.
"بۇل اۆتوبۋستار 2010-2013 جىلدارى شىعارىلعان. قازىرگى ۋاقىتتا ولار توزعاندىقتان قالپىنا كەلتىرۋگە كەلمەيدى. ال قالعان 157 اۆتوبۋستى الماتى وبلىسىنىڭ بالانسىنا بەردىك"، - دەدى ساعىندىق تەلىبايەۆ.
تاعى 15 اۆتوبۋستىڭ ماسەلەسى شەشىلىپ جاتىر. ولار 18 مەترلىك لياز اۆتوبۋستارى. بۇل قوعامدىق كولىكتەرگە قوسالقى بولشەكتەر ساتىپ الىنىپ، جوندەلەدى دەيدى بيلىك.
