دەپۋتات باقىتجان بازاربەك "جەر اماناتى" كوميسسياسى بويىنشا مەملەكەتكە قايتارىلعان جەرلەردىڭ قايتادان وليگارحتارعا بەرىلىپ جاتقانىن ايتتى. 

"جەر اماناتى جوباسىنىڭ كوميسسياسى 8،5 ملن گەكتار جەردى قايتاردىق. قايتارىلعاننىڭ كوبىسى جايىلىمدىق جەر. الايدا سوڭعى ۋاقىتتا سول جەرلەردى جەرگىلىك جەمقور اكىمدەر وليگارحتار مەن باقۋاتتى ادامدارعا قايتا بەرگەنىن ەستىدىك. بۇل تۋرالى ايداربەك ساپاروۆ بىلە مە؟ سول جەردى قايتا بەرىپ جاتقان اكىمدەردىڭ ءاتى-جونىن اتاسىن"، دەدى باقىتجان بازاربەك. 

بۇعان قاتىستى اۋىل شارۋالىعىنىڭ ءمينيسترىنىڭ ورىنباسارى ءابىلقايىر تامابەك جاۋاپ بەردى. 

"قايتارىلعان جەردىڭ 2،6 ملن گەكتار جەر قايتا اينالىمعا ەنگىزىلدى. مەملەكەتتىك اتقارۋشى بيلىك قايتارعانىمەن جەردى ءبولۋ ءراسىمى اكىمدىكتەردىڭ قولىندا. 2،2 ملن گەكتار جەر قايتادان ءبولىنىپ بەرسە، 1،6 ملن گەكتارى ەلدى-مەكەننىڭ جايىلىمدىق جەرىن كەڭەيتۋگە بەرىلگەن"، دەدى ۆيسە-مينيستر. 

دەپۋتات ۆيسە-مينيستردىڭ جاۋابىنا قاناعاتتانباي سۇراعىن قايتا قويدى. 

"مەن سىزگە اكىمدەردىڭ ءاتى-جونىن اتاڭىز دەدىم. اكىمدەرگە شارا قولدانىلماعان. سول سەبەپتى ولاردىڭ ءاتى-جونى كەرەك. سوسىن ءبىز كەرەكتى شارانى قولدانامىز. ال جۇمىس ىستەي الماساڭىزدار مينيسترىڭىزبەن بىرگە قۋىپ شىعامىز. ءبىز ايامايمىز"، دەپ اشۋلاندى دەپۋتات. 

ءماجىلىس ءتوراعاسى ەرلان قوشانوۆ دەپۋتاتتىق ەتيكانى ساقتاۋدى سۇراپ، باقىتجان بازاربەككە ەسكەرتۋ جاسادى.