«تازا قازاقستان» اكسياسى اياسىندا «الماتى جازى» ەكولوگيالىق ەستافەتاسى ءارتۇرلى جاستاعى سپورتشىلار مەن سالاۋاتتى ءومىر سالتىن سۇيەتىندەردى بىرىكتىرەدى. 

400 مىڭنان استام قالا تۇرعىنى قاتىسقان كوكتەمدە باستالعان «الماتى – ءبىزدىڭ ورتاق ءۇيىمىز» ناۋقانى «الماتى جازى» جازعى ەكواكسياسىمەن جالعاستى. قالانى كورىكتەندىرۋ بويىنشا اۋقىمدى اكسيا اياسىندا سۋبۇرقاقتار، وزەندەر، سۋ ايدىندارى مەن جاعالاۋ ايماقتارى تازارتىلدى.

بۇل كۇندەرى تابيعاتقا، جالپى قالالىق نىساندارعا ۇقىپتى قاراۋ مادەنيەتىن تاربيەلەۋگە باعىتتالعان ەكولوگيالىق ءىس-شارالاردىڭ جاڭا كەزەڭى باستالادى. جاز كۇندەرى ادام كوپ باراتىن تاۋعا، وزەن جاعالاۋىنا، ساياباقتار مەن سكۆەرلەرگە ەرەكشە نازار اۋدارىلادى.

«الماتى جازى» ەكوەستافەتاسى «مەدەۋ» شاتقالىنداعى دەمالىس ورنىنان باستالادى. مۇندا تانىمال سپورتشىلار، بەلسەندى قالا تۇرعىندارى مەن تاۋدى جاقسى كورەتىندەر تاۋعا شىعۋ مەن كوپشىلىك ورىندارداعى ءجۇرىپ-تۇرۋ مادەنيەتى تۋرالى اڭگىمەلەيدى. ولارعا مەدەۋ مەن شىمبۇلاق قىزمەتكەرلەرى قوسىلادى.

تاي بوكسىنان 2023 جىلعى الەم بىرىنشىلىگىنىڭ جەڭىمپازى توميريس ساتىبالدى؛ ءجۇزۋشى، 2016 جىلعى وليمپيادا چەمپيونى دميتريي بالاندين؛ دجيۋ-دجيتسۋدان ەڭبەك سىڭىرگەن سپورت شەبەرى ەردان تىلەۋبەتوۆ؛ «الماتى مارافونىنىڭ» وكىلى سالتانات قازىبايەۆا؛ كاراتە كيوكۋشينكايدان الەم كۋبوگىنىڭ چەمپيوندارى مەن قولا جۇلدەگەرى داۋلەتبەك ەلحان، ميحايل بابايەۆ جانە سابينا ورنىقبايەۆا؛ الپينيست ولەگ چەبوتاريەۆ؛ الپينيست، بالالار مەن جاسوسپىرىمدەر ءتۋريزمىنىڭ نۇسقاۋشىسى ديانا فرولوۆا جانە ت.ب. ەكوەستافەتاعا قاتىستى.

دميتريي بالاندين ەكولوگيالىق اكسياعا قولداۋ ءبىلدىرىپ، قالا تۇرعىندارىن بەلسەندى اتسالىسۋعا شاقىردى.

«بۇگىن «تازا قازاقستان» اكسياسى اياسىندا ءبىز جاي عانا تازالىق جۇمىستارىن جۇرگىزىپ قانا قويماي، اسەم قالامىزدىڭ تۇرعىندارى مەن قوناقتارىن تابيعات پەن قالاعا ۇقىپتى قاراۋعا شاقىرامىز، ولار بىزگە عانا ەمەس، بالالارىمىز بەن نەمەرەلەرىمىزدى دە قۋانتادى. ەستافەتاعا كوپتەگەن ازاماتتىڭ، ءتىپتى جاس بالالاردىڭ دا قاتىسقانى قۋانتادى. بىرلەسىپ قالامىز بەن قازاقستانىمىزدى تازا ۇستايىق!»، - دەدى اتاقتى سپورتشى.

«ءبىرىنشى بولۋ – باتىلدىق» كق-نىڭ اتقارۋشى ديرەكتورى سالتانات قازىبايەۆا اۋماقتى جيناۋ ءبىر رەتتىك اكسيا ەمەس ەكەنىن، قالا تۇرعىندارى مەن بەلسەندىلەرى مەگاپوليستى تازا ۇستاۋعا، ەكولوگيالىق ءىس-شارالارعا قاتىسۋعا ءتيىس ەكەنىن اتادى، ويتكەنى تازالىق – مادەنيەتتىڭ باستى كورسەتكىشى.

«الماتى-مارافون» كومانداسى «تازا قازاقستان» باستاماسىن قولدايدى. بۇل وتە كەرەمەت باستاما. ءبىز ءۇيىمىزدى تازالىق پەن ءتارتىپ ساقتاپ قانا قويماي، تۋريستەر ءۇشىن، قالا تۇرعىندارى مەن ەلىمىز ءۇشىن تازالىق مادەنيەتىن قالىپتاستىرۋىمىز كەرەك. تەك وسىنداي شارالارمەن، وسىنداي تاسىلمەن تابيعاتتى ساقتاي الامىز. سوندىقتان «تازا قازاقستان» باستاماسىن قۋانا قولدايمىز. ءبىز تاۋعا شىعاتىن بارلىق ءتۋريستى ءارقاشان ارتىن تازالاپ، قوقىستى وزىمەن بىرگە الىپ كەتۋگە شاقىرعىمىز كەلەدى. مۇنداي باستامالار تازالىق مادەنيەتىن قالىپتاستىرۋى كەرەك»، - دەدى ول.

مەدەۋ شاتقالىنداعى «الماتى جازى» ەكولوگيالىق ەستافەتاسىنا 100-دەن استام ادام قاتىستى، ونىڭ ىشىندە «جاسىل ەل» ەڭبەك جاساعىنىڭ مۇشەلەرى، الپينيستەر، سپورتشىلار، سپورت مەكتەبىنىڭ وقۋشىلارى، «الماتى مارافونى»، «شىمبۇلاق» تاۋ-شاڭعى كۋرورتىنىڭ قىزمەتكەرلەرى بار.

بىرلەسكەن كۇشتىڭ ارقاسىندا شامامەن 10 تەكشە مەتر قوقىس جينالدى. ەستافەتا كىسى اياعى ۇزىلمەيتىن باسقا كوپشىلىك ورىندا جالعاسىپ جاتىر.