وسى ورايدا، بوستاندىق اۋدانىنىڭ اكىمى سانجار مەڭدىباي ۇلى تۇرعىندارمەن كەزدەستى. جينالىس اراسىندا تۇرعىندار جاڭا مەكتەپتىڭ ورىس-قازاق تىلىندە ارالاس بولۋىنا نارازى ەكەندىكتەرىن ءبىلدىردى. ولاردىڭ ايتۋىنشا، بوستاندىق اۋدانىندا قازاق مەكتەپتەرى جوقتىڭ قاسى. ال ورىس تىلىندە ءبىلىم بەرەتىن مەكتەپتەر وتە كوپ. اتاپ ايتساق، №38، №125، №63 مەكتەپتەر بار. ال قازاق تىلىندە تەك 146 مەكتەپ-ليسەيى عانا بولعاندىقتان، ءبىر سىنىپتا 30-35 وقۋشىعا دەيىن وقۋعا ءماجبۇر، دەيدى مەكتەپتىڭ قازاق ءتىلدى بولۋىن قولدايتىن تۇرعىندار.
بوستاندىق اۋدانىنىڭ تۇرعىنى قانات قۋانىش ۇلى:
- جاڭادان سالىنىپ جاتقان مەكتەپ ارالاس بولادى ما، ورىسشا بولادى ما، تۇسىنبەي جاتىرمىز. باستاپقىدا بۇل مەكتەپتى قازاق مەكتەبى بولادى دەپ قۋانىپ ەدىك، – دەيدى.
تۇرعىنداردىڭ ساۋالىنا جاۋاپ بەرگەن اكىم سانجار مەڭدىباي ۇلى بۇل ماسەلەنى اۋدان اكىمىنىڭ قۇزىرىنا كىرمەيدى دەپ جاۋاپ بەردى. ول جاۋابىندا: «سىزدەر بۇل ماسەلەنى ءبىلىم باسقارماسىنا جولداڭىزدار. شەشەتىن سول كىسىلەر. اۋدان اكىمى ەمەس» دەيدى.
ەگەر دە بالام قازاق تىلىندە وقىسىن دەگەن تۇرعىنداردىڭ ءوتىنىشى 1500-عا دەيىن جەتسە، جاڭا مەكتەپ قازاق تىلىندە اشىلادى. ازىرگە 800 وقۋشى جينالعان. ءبىراق ورىس تىلىندە ءبىلىم الامىن دەگەن وقۋشىلاردىڭ سانى ءبىر سىنىپتا 5 وقۋشىدان اسسا، وندا مەكتەپ ارالاس بولىپ كەتۋى دە ىقتيمال.
پوسموترەت ەتۋ پۋبليكاسيۋ ۆ Instagram
پىكىر قالدىرۋ