پەتيسيا epitition.kz پورتالىندا جاريالانعان. پەتيسيا اۆتورى جوعارى سىنىپ وقۋشىلارىنىڭ مەكتەپ فورماسىنا قويىلاتىن تالاپتاردى قايتا قاراۋدى سۇرايدى.
ۇسىنىستا وقۋشى قىزداردىڭ بەلدەمشەلەرىنىڭ ۇزىندىعىنا تىزەدەن تومەن بولۋى جانە سىرتقى كيىمدەرىنىڭ مويىن سىزىعىن جاۋىپ تۇرۋى كەرەك ەكەنى ايتىلعان.
پەتيسيا اۆتورى ەلىمىزدە مىندەتتى مەكتەپ فورماسىن ساقتاۋ ماسەلەلەرى ۇنەمى تالقىلانىپ جاتقانىن، "مەملەكەتتىڭ زايىرلى نەگىزدەرىن، قازاقستانداعى ۇلتتىق بىرەگەيلىكتى، كونفەسسياارالىق جانە ۇلتارالىق كەلىسىمدى نىعايتۋ ماقساتىندا" كەيبىر ەرەجەلەردى قايتا قاراۋ قاجەتتىگىن ايتادى.
"ەلىمىزدە زاڭنامالىق دەڭگەيدە ءدىني سەنىمدەردى جوققا شىعاراتىن مىندەتتى مەكتەپ فورماسى بەلگىلەنگەن. دەگەنمەن، قوعامدا ءدىني رامىزدەرى بار كيىمدى كيۋگە جول بەرمەۋ بولىگىندە مەكتەپ فورماسىن ساقتاۋ مىندەتتىلىگى زاڭ دەڭگەيىندە بەكىتىلمەگەن، تەك زاڭعا تاۋەلدى اكتىلەرگە عانا قاتىستى دەگەن جالعان اقپاراتتار مەن تۇسپالداۋلار ءجيى كەزدەسەدى. وسىعان وراي، كەلەشەكتە مۇنداي ايلا-شارعىلاردى جويۋ ءۇشىن مىندەتتى مەكتەپ فورماسىنا قويىلاتىن تالاپتاردى زاڭ ماتىنىنە تىكەلەي ەنگىزۋ ۇسىنىلادى"، – دەلىنگەن پەتيسيا ماتىنىندە.
پەتيسيا 13 تامىز كۇنى جاريالانعان. ازىرگە پەتيسياعا 50-گە جۋىق قول جينالعان.
پىكىر قالدىرۋ