ءوڭىردىڭ پروكۋراتۋراسى ادامنىڭ اعزالارىن زاڭسىز ساتۋعا وقتالۋ ارەكەتىن انىقتاعانىن جەتكىزدى.
“اقتوبە وبلىسى پروكۋراتۋراسىمەن الەۋمەتتىك جەلىگە مونيتورينگ جۇرگىزۋ بارىسىندا "E" ەسىمدى ازاماتتىڭ ءوزىنىڭ ىشكى اعزالارىن ساتۋى بويىنشا ىقتيمال مامىلە جاساۋ تۋرالى اقپارات الىندى. 2024 جىلدىڭ 25 قىركۇيەگىندە پروكۋراتۋرانىڭ باستاماسىمەن جەدەل-ىزدەستىرۋ ءىس-شاراسى جۇرگىزىلدى. ناتيجەسىندە، ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى ءوزىنىڭ ىشكى اعزالارىن 9 ميلليون تەڭگەگە زاڭسىز مامىلە جاساۋ ارقىلى ساتپاق بولعان "E" ەسىمدى ازاماتتى ۇستادى”، – دەلىنگەن حابارلامادا.
اتالعان فاكتى بويىنشا قىلمىستىق كودەكستىڭ 116-بابىنىڭ 1-بولىگىمەن (ادامنىڭ اعزالارى مەن تiندەرiن الىپ قويۋعا ماجبۇرلەۋ نەمەسە زاڭسىز الىپ قويۋ) سوتقا دەيىنگى تەرگەپ-تەكسەرۋ باستالدى. ول 5 جىلعا دەيىن باس بوستاندىعىنان ايىرىلۋى مۇمكىن.
