وزگەرىستەرگە سايكەس، مەديسينالىق ۇيىمدار مەن جەكە مەديسينالىق پراكتيكامەن اينالىساتىن جەكە تۇلعالار مەديسينا قىزمەتكەرلەرىنىڭ كاسىبي جاۋاپكەرشىلىگىن ساقتاندىرۋعا جانە 14 ساقتاندىرۋ ۇيىمىن قامتيتىن ءبىرىڭعاي ساقتاندىرۋ پۋلىمەن ساقتاندىرۋ شارتىن جاساسۋعا مىندەتتى.

“ساقتاندىرۋ تولەمدەرى دارىگەرلەردىڭ بايقاۋسىزدا جاسالعان كاسىبي قاتەلەرىنەن زارداپ شەككەن پاسيەنتكە تولەنەدى. ءومىرى مەن دەنساۋلىعىنا زيان كەلتىرۋ فاكتىسىن راستاۋ جانە ساقتاندىرۋ تولەمىن الۋ ءۇشىن پاسيەنتكە نەمەسە ونىڭ جاقىن تۋىستارىنا دەنساۋلىق ساقتاۋ سۋبەكتىسىنە جۇگىنۋ قاجەت. مەديسينالىق قىزمەتتى جۇزەگە اسىرۋ ناتيجەسىندە پاسيەنتتىڭ ءومىرى مەن دەنساۋلىعىنا زيان كەلتىرۋ فاكتىسىنىڭ بولۋى تۋرالى شەشىمدى تاۋەلسىز ساراپتاما كوميسسياسى قابىلدايدى”، – دەلىنگەن حابارلامادا. 

پاسيەنت تسك قورىتىندىسىنىڭ ناتيجەلەرىمەن كەلىسپەگەن جاعدايدا دەنساۋلىق ساقتاۋ مينيسترلىگىنىڭ مەديسينالىق جانە فارماسيەۆتيكالىق باقىلاۋ كوميتەتىنە نەمەسە سوتقا جۇگىنۋگە قۇقىلى.

“زاڭدا ساقتاندىرۋ تولەمدەرىنىڭ ەڭ از سوماسى بەلگىلەنگەن. ول پاسيەنتكە ءۇشىنشى، ەكىنشى جانە ءبىرىنشى توپتاعى مۇگەدەكتىك بەلگىلەنگەن جاعدايدا 500، 600، 800 اەك بولادى. تيىسىنشە مۇگەدەكتىگى بار بالا 500 اەك، ولىمگە اكەلگەن زيان كەلتىرىلگەنى ءۇشىن 3 000 اەك، مۇگەدەكتىك بەلگىلەنبەي پاسيەنتتىڭ ءومىرى مەن دەنساۋلىعىنا كەلتىرىلگەن زيان ءۇشىن 300 اەك-تەن اسپايتىن ساقتاندىرۋ تولەمدەرى تولەنەدى. سونداي-اق زاڭدا وسى دەنساۋلىق ساقتاۋ سۋبەكتىسى تولەگەن ساقتاندىرۋ سىيلىقاقىسى سوماسىنىڭ 5%-ىنان اسپايتىن مولشەردە ساقتاندىرىلعان مەديسينا قىزمەتكەرلەرىنە ادۆوكاتتاردىڭ قىزمەتتەرىنە اقى تولەۋگە ارنالعان شىعىستى وتەۋ سوماسى بەلگىلەنگەن”، – دەلىنگەن اقپاراتتا.