اگەنتتىكتىڭ الماتى وبلىسى بويىنشا دەپارتامەنتى وبلىستىق پروكۋراتۋرامەن بىرلەسىپ، "شاڭىراق" قوعامدىق بىرلەستىگىنىڭ باسشىسى الماسبەك سادىربايدىڭ اسا ءىرى مولشەردە الاياقتىق ارەكەتىن اشكەرەلەدى. ول ءوزى باسقاراتىن ادامدار توبى بالقاش، ەڭبەكشىقازاق، كەگەن، رايىمبەك جانە ۇيعىر اۋداندارىندا جالعان اۋىل شارۋاشىلىعى كووپەراتيۆتەرىن قۇردى دەپ كۇدىكتەلۋدە، - دەلىنگەن حابارلامادا.
نەگىزگى ماقسات - ۇساق مالدىڭ انالىق باسىن ۇرىقتاندىرۋعا سۋبسيديالاردى زاڭسىز الۋ جانە جەم-شوپ شىعىندارىن وتەۋ. بۇل ءۇشىن زاڭناماعا قايشى اۋىلشارۋاشىلىق جەرلەرى جوق شارۋا قوجالىقتارى تارتىلعان.
سونداي-اق جالعان كاداسترلىق نومىرلەردى كورسەتە وتىرىپ، دايەكسىز مالىمەتتەردى قامتيتىن سۋبسيديالار الۋعا وتىنىمدەر قاشىقتان بەرىلگەن. بۇل رەتتە اۋىل شارۋاشىلىعى كووپەراتيۆتەرى باسشىلارىن حاباردار ەتپەي، ولاردىڭ ەسق-سى پايدالانىلعان. وسىلايشا 1،2 ملرد تەڭگەدەن استام قاراجات ۇرلانعان.
پىكىر قالدىرۋ