«قازگيدرومەت» رمك دەرەكتەرى بويىنشا ەلىمىزدىڭ بىرنەشە وڭىرىندە اۋا رايىنىڭ ناشارلاۋى: قاتتى جاۋىن-شاشىن، اۋا تەمپەراتۋراسىنىڭ تومەندەۋى، جەلدىڭ كۇشەيۋى، بوران جانە كوكتايعاق كۇتىلۋدە.

تجم كەلەسى قاۋىپسىزدىك شارالارىن ساقتاۋدى ۇسىنادى:

- اسىرەسە تۇندە جانە داۋىلدى اۋا-رايىندا الىس قاشىقتىققا ساپارلار مەن جاياۋ جۇرۋدەن اۋلاق بولىڭىز؛

- اۋا-رايى جاعدايلارى مەن كولىك قۇرالدارىنىڭ قوزعالىسىنىڭ شەكتەۋلەرى تۋرالى اقپاراتتى قاداعالاڭىز؛

- عيماراتتاردان شىعۋعا اسىقپاڭىز (مۇمكىندىگىنشە ءۇي-جايلاردا بولىڭىز)؛

- قاتتى جەل بولعان جاعدايدا جاقىن ماڭداعى عيماراتقا بارۋ كەرەك؛

- اعاشتاردان، ءىلۋلى قۇرىلىمداردان، ەلەكتر جەلىلەرىنەن جانە بيلبوردتاردان اۋلاق بولىڭىز؛

- ۇيلەردىڭ قابىرعالارىنا جاقىن جەردە قاتتى جەلدەن جاسىرىنباڭىز، ويتكەنى شاتىر ماتەريالدارى قۇلاپ كەتۋى مۇمكىن؛

- قوعامدىق كولىكتىڭ اشىق ايالدامالارىندا، بيلبوردتاردىڭ، اعاشتاردىڭ استىندا، اياقتالماعان عيماراتتاردا جاسىرىنۋعا بولمايدى؛

- بالالاردى ەرەكشە باقىلاۋعا الىڭىز، ولاردى قاراۋسىز قالدىرماۋ ماڭىزدى؛

- جەكە كولىكتى اعاشتاردان ءقاۋىپسىز قاشىقتىقتا قويۋ ۇسىنىلادى.