"رەسەي اەس قۇرىلىسىنا قاتىستى ءوز ۇسىنىستارىن دايىنداپ قويعان. ءبىز پرەزيدەنت توقايەۆ وتكىزگەن رەفەرەندۋمدى باقىلاپ، ونىڭ اتوم ەنەرگەتيكاسىن دامىتۋ جوسپارلارىنا قولداۋ كورسەتتىك. "روساتوم" بۇل ماسەلەنى قازاقستاندىق دوستارمەن بىرلەسىپ شەشۋ ءۇشىن ءوز قۇزىرەتىن تولىق قامتاماسىز ەتۋگە دايىن. ءبىز باسقا مەملەكەتتەردىڭ ءتيىستى ورگاندارىمەن جانە قۇرىلىمدارىمەن ىنتىماقتاستىققا دايىنبىز"، – دەدى لاۆروۆ.
پرەزيدەنت قاسىم-جومارت توقايەۆ قازان ايىنىڭ باسىندا قازاقستاندا اتوم ەلەكتر ستانسياسىن سالۋ بويىنشا حالىقارالىق كونسورسيۋم قۇرۋ قاجەتتىگى تۋرالى ايتتى. دەگەنمەن ول كونسورسيۋمعا كىم جانە قانداي جاعدايدا كىرە الاتىنىن ناقتىلامادى.
قازاقستان ىقتيمال تەحنولوگيا جەتكىزۋشىسى رەتىندە ءتورت كومپانيانى قاراستىرىپ جاتىر. ولار، رەسەيلىك "روساتوم"، قىتايدىڭ CNNC، كورەيانىڭ KHNP جانە فرانسيانىڭ EDF كومپانيالارى.
پىكىر قالدىرۋ