«ءدال ءقازىر ءوندىرىس كولەمى ارتىپ وتىر. جىلدىڭ جوسپارىمىز 19،5 ملن توننا بولعان. 10 ايدىڭ قورىتىندىسى بويىنشا 19،9 ملن توننا وندىردىك. سوندا مۇناي ءوندىرۋ كولەمى بويىنشا جوسپاردان 400 مىڭ تونناعى ارتىق جىلجىپ بارامىز. جوسپار 19،5 ملن توننا بولسا، فاكت 19،9 ملن توننا. كەلەسى جىلى كەمىندە بيىلعى جوسپاردىڭ كورسەتكىشىن ۇستاپ تۇرامىز. ونىڭ ءبارى مۇناي باعاسىنا بايلانىستى ەكەنىن بىلەسىز عوي. ءبىراق ءبىزدىڭ مىندەت – ارينە، ءوندىرىس كولەمىن ازايتپاۋ»، - دەدى اسحات حاسەنوۆ ءجۋرناليستىڭ سۇراعىنا بەرگەن جاۋابىندا.
«قازمۇنايگاز» باسشىسىنىڭ ايتۋىنشا، قازاقستان 2024 جىلدىڭ توعىز ايىندا 18 ملن توننا مۇناي وندىرگەن. بۇل بىلتىرعى كورسەتكىشتەن 3% ارتىق.
«مۇناي تاسىمالداۋ كولەمى بىلتىرعى كورسەتكىشپەن سالىستىرعاندا 6-عا جوعارى بولىپ، شامامەن 63 ملن تونناعا جەتتى. مۇناي وڭدەۋ جوسپارعا ساي تولىق كولەمدە ورىندالدى. KPI زاۋىتى 2024 جىلدىڭ توعىز ايى ىشىندە 166 مىڭ توننا پوليپروپيلەن شىعاردى، بۇل وتكەن جىلمەن سالىستىرعاندا 84 پايىزعا كوپ. زاۋىتتا بارلىق كەپىلدىك سىناق جۇمىستارىن اياقتادى، الدىمىزداعى ماقسات — جوبالىق قۋاتىنا شىعۋ»، - دەدى ول.
پىكىر قالدىرۋ