2025 جىلى مەرزىمدى اسكەري قىزمەتكە 18 بەن 27 جاس ارالىعىنداعى 41 706 جىگىتتى شاقىرۋ جوسپارلانىپ وتىر. قورعانىس مينيسترلىگى «اشىق نقا» پورتالىندا ءتيىستى قاۋلى جوباسىن جاريالادى.
قۇجاتقا سايكەس، 2025 جىلعى ناۋرىز-ماۋسىمدا جانە قىركۇيەك-جەلتوقساندا اسكەرگە شاقىرۋدى كەيىنگە قالدىرۋعا نەمەسە ودان بوساتىلۋعا قۇقىعى جوق 18 جاستان 27 جاسقا دەيىنگى 41 706 ەر-ازامات مەرزىمدى اسكەري قىزمەتكە شاقىرىلادى.
اسكەرگە شاقىرۋ پۋنكتەرى مەديسينالىق جۇمىستى قامتاماسىز ەتەدى. ال ىشكى ىستەر مينيسترلىگى اسكەرگە شاقىرىلاتىنداردى جيناۋ جانە اسكەرگە جونەلتۋ ورىندارىندا ىشكى ىستەر ورگاندارى قىزمەتكەرلەرىنىڭ كۇشەيتىلگەن كەزەكشىلىگىن ۇيىمداستىرادى.
