الاش ارىسى مۇحامەتجان تىنىشباي ۇلىنىڭ 1925 جىلى جارىق كورگەن ەڭبەگى جازىلعانىنا ءبىر عاسىر وتكەن سوڭ العاش رەت قازاق تىلىندە جارىق كوردى. عاسىر بۇرىن ورىس تىلىندە جازىلعان "ماتەريالى ك يستوريي كيرگيز-كازاحسكوگو نارودا" اتتى كىتابى "قازاق حالقىنىڭ تاريحى" دەپ وزگەرىپ، AmalBooks باسپاسىنان وقىرمانعا جول تارتتى.

- بۇل كىتاپتىڭ جازىلعانىنا كەلەسى جىلى ءبىر عاسىر بولادى. تۋىندىنىڭ تاعدىرى جەڭىل بولعان جوق. سوۆەت زامانىندا ۇناماعان سوڭ، ونى تاركىلەپ، ءتىپتى جويىپ جىبەردى. 90-جىلداردىڭ باسىندا تاۋەلسىزدىك العانعا دەيىن ونى باسپاعا شىعارمادى. تەك 1992 جىلى ورىس تىلىندە قايتا باسىلدى. ءتۇپنۇسقادا ورىس تىلىندە شىققان، قازاق تىلىندە ەندى عانا جارىق كورىپ وتىرعان بەتى وسى.  قازاق وقىرمانىنا وزىمىزگە قاتىستى تىڭ دەرەكتەردى، اقتاڭداقتاردى جوياتىن دۇنيەلەردى كوبىرەك ۇسىنۋىمىز كەرەك دەپ ەسەپتەيمىن. ءار حالىق ءوز تاريحىن ءوزى جازىپ، وقىعانى ءجون. سوۆەت زامانىندا ءبىز ءوز تاريحىمىزدى بىلمەي، تانىماي كەلدىك، - دەيدى AmalBooks باسپاسىنىڭ نەگىزىن قالاۋشى باقىتجان بۇقارباي. 

كىتاپتىڭ قازاق تىلىندە شىعۋىنا قولداۋ كورسەتكەن Choko حولدينگىنىڭ باسشىسى راميل مۋحورياپوۆتىڭ  پىكىرىنشە، بۇل كىتاپتىڭ قازاق تىلىنە اۋدارىلۋى ەلىمىز بەن ءوزىمىزدى تانۋعا كوپ كومەكتەسەدى.