فرانسيانىڭ بۇرىنعى پرەزيدەنتى وزىنە قارسى سوت پروسەسىنە ىقپال ەتۋ ماقساتىندا اعا سۋديامەن سىبايلاس جەمقورلىق جاساعانى ءۇشىن كىنالى دەپ تانىلدى.
پاريج كاسساسيالىق سوتى فرانسيانىڭ بۇرىنعى پرەزيدەنتى 69 جاستاعى نيكوليا ساركوزيگە قاتىستى اپەللياسيالىق سوتتىڭ شەشىمىن كۇشىندە قالدىردى. سىبايلاس جەمقورلىق، تەرگەۋگە ىقپال ەتۋ جانە قىسىم كورسەتۋ بويىنشا ءۇش جىل باس بوستاندىعىنان ايىرىلدى. ول ەكس-پرەزيدەنت بولسا دا، جازاسىن تۇرمەدە ارنايى بىلەزىك تاعىپ وتەيدى.
ەكس-پرەزيدەنت ادۆوكاتى تەرري گەرسوگپەن بىرگە اقپارات الۋ جانە باسقا ىسكە ىقپال ەتۋ ماقساتىندا 2014 جىلى بەتتانكۋر ىسىندە كاسساسيالىق سوتتىڭ اعا سۋدياسى گيلبەرت ازيبەرتپەن "سىبايلاس جەمقورلىق تۋرالى كەلىسىم" جاساسقانى ءۇشىن كىنالى دەپ تانىلدى.
ساركوزي ازيبەرتكە كومەكتەسكەن جاعدايدا موناكودا لاۋازىمى وسەتىنىن ايتقان. گەرسوگ ساركوزي مەن ازيبەرت اراسىنداعى دەلدال ءرولىن اتقاردى.
ۇشەۋى دە ءۇش جىلعا باس بوستاندىعىنان ايىرىلدى، سونىمەن قاتار ءۇش جىلعا بۇرىنعى قىزمەتىمەن اينالىسۋعا تىيىم سالىندى. ساركوزي ءۇش جىل سايلاۋعا تۇسە المايدى.
نيكوليا ساركوزيگە قارسى سوت 2020 جىلدىڭ قاراشاسىندا ول لاۋازىمىن پايدالانىپ، ىسكە اسەر ەتپەك بولدى دەپ باستالدى. L'Oreal كوسمەتيكالىق كومپانياسىنىڭ تەڭ يەسى، ميللياردەر ليليان بەتتانكۋردىڭ قايىرىمدىلىققا قاتىستى تەرگەۋى بولعان ەكەن. ول سول اقشانى 2007 جىلعى سايلاۋ ناۋقانىنا پايدالانعىسى كەلگەن دەيدى.
پىكىر قالدىرۋ