بيىل ماڭعىستاۋ وبلىسىندا «ءبىلىم بەرۋ ينفراقۇرىلىمىن قولداۋ قورى» ارقىلى 4 800 ورىندىق 4 مەكتەپ پايدالانۋعا بەرىلدى. سونىمەن قاتار، 6 510 ورىندىق 14 جەكەمەنشىك مەكتەپ اشىلدى. بۇل تۋرالى وكق وتكەن باسپا ءسوز كونفەرەنسياسىندا وبلىس اكىمى نۇرداۋلەت قيلىباي ايتىپ بەردى.

مەملەكەت باسشىسىنىڭ سايلاۋالدى باعدارلاماسىندا بەرگەن تاپسىرماسىنا ساي، اقتاۋ قالاسىندا بالالاردىڭ شىعارماشىلىق جانە زياتكەرلىك الەۋەتىن كوتەرۋ ءۇشىن 1500 ورىندىق «وقۋشىلار سارايى» قولدانىسقا بەرىلدى. بۇگىندە زامان تالابىنا ساي سالىنعان ورتالىقتا 3500-دەن استام بالا تەگىن قوسىمشا بىلىممەن قامتاماسىز ەتىلۋدە.

سونداي-اق، دەمەۋشىلەردىڭ ەسەبىنەن كوللەدج ستۋدەنتتەرىنە ارنالعان 500 ورىندىق جاتاقحانا اشىلدى. وسىلايشا اقتاۋ قالاسىندا ورنالاسقان كوللەدجدەردە جاتاقحانا ماسەلەسى تولىقتاي شەشىلدى.

«جايلى مەكتەپ» ۇلتتىق جوباسى اياسىندا بيىل 13 مەكتەپتىڭ قۇرىلىسى باستالدى.

ماڭعىستاۋ وبلىسى اكىمىنىڭ باسپا ءسوز قىزمەتى