2024 جىلدىڭ قورىتىندىسى بويىنشاماڭعىستاۋ ءوڭىرىنىڭ الەۋمەتتىك-ەكونوميكالىق دامۋىندا تۇراقتىلىق بايقالىپ، نەگىزگى ماكروكورسەتكىشتەر وڭ ناتيجە كورسەتتى.

ءوءڭىر دامۋىنىڭ نەگىزگى باعىتتارى - وڭدەۋ ونەركاسىبى، تۋريزم، كولىك جانە لوگيستيكا، شاعىن جانە ورتا بيزنەس، سونداي-اق اگروونەركاسىپ سالالارى.اتالعان باعىتتاردىڭ تۇراقتى دامۋىنا تىڭ سەرپىن بەرۋ ءۇشىن وڭىرگە ينۆەستيسيا تارتۋ جۇمىستارى بەلسەندى جۇرگىزىلۋدە. سوڭعى بەس جىلدا ايماققا 4 ترلن. تەڭگە ينۆەستيسيا تارتىلعان. جالپى وڭىرگە 2024-2026 جىلدار ىشىندە ەكونوميكانىڭ ءتۇرلى سالالارىندا ينۆەستيسيالىق قۇنى 666 ملرد. تەڭگە بولاتىن 42 ينۆەستيسيالىق جوبانى ىسكە اسىرۋ جوسپارلاندى. ونىڭ ىشىندە بيىل 11 ايدا جالپى سوماسى 36 ملرد .تەڭگەگە 14 جوبا ىسكە قوسىلدى، ناتيجەسىندە 435 جاڭا تۇراقتى جۇمىس ورنى اشىلدى.

وڭدەۋ ونەركاسىبىندە دە تۇراقتى ءوسۋ قارقىنى ساقتالىپ وتىر. سالانىڭ جالپى ونىمدىك ۇلەسى 5 جىل بۇرىن 2،8% بولسا، ءقازىرگى ۋاقىتتا ونىڭ ۇلەسى 6،2% قۇراپ، 9،0% ءوسىم بايقالىپ وتىر.

ايماقتىڭ اۋىل شارۋاشىلىعى سالاسى دا قارقىن الىپ كەلە جاتىر. وتكەن جىلمەن سالىستىرعاندا بيىل 24،5% وسىممەن 34،5ملرد. تەڭگەنىڭ ءونىمى ءوندىرىلدى. ونىڭ ىشىندە مال شارۋاشىلىعىندا ءونىم شىعارۋ كولەمى 31،2%-عا كوبەيدى. 4 ملرد. تەڭگەگە ينۆەستيسيا تارتىلىپ، ازىق-تۇلىك ساقتاۋ قويماسى قولدانىسقا بەرىلدى.

2025 جىلى قۇنى 3،5 ملرد.تەڭگە بولاتىنجۇمىرتقا، قۇس ەتى ءوندىرۋ جانە جىلىجاي كەشەنىن سالۋ جوبالارىن جۇزەگە اسىرۋ جوسپارلانعان. سونىمەن قاتار قاراقيا اۋدانىندا پيلوتتىق جوبا رەتىندە 3300 ءتۇپ ءزايتۇن اعاشى ەگىلدى. كۇتكەن ناتيجەگە قول جەتكىزىلسە، بۇل جوبانى ودان ءارى دامىتۋدى جوسپارلاپ وتىر.

وڭىردە قۇرلىق، تەڭىز، اۋە قوزعالىسىنىڭ بارلىق ءتۇرى جولعا قويىلعان. ەندىگى ماقسات وسى مۇمكىندىكتەردى ۇتىمدى پايدالانىپ، كولىك جانە لوگيستيكا الەۋەتىن ودان ءارى دامىتۋ. جەرگىلىكتى ماڭىزداعى اۆتوموبيل جولدارىنىڭ 97% جاقسى جانە قاناعاتتانارلىق جاعدايدا. بيىل 215 شاقىرىمدى قامتيتىن جەرگىلىكتى ماڭىزداعى اۆتوموبيل جولدارىندا 2 قۇرىلىس جانە                                 10 رەكونسترۋكسيالاۋ جۇمىستارى جۇرگىزىلۋدە.

جىل باسىنان بەرى اقتاۋ، قۇرىق جانە سولتۇستىك تەرمينال پورتتارى ارقىلى جۇكتەردى اۋىستىرىپ-تيەۋ كولەمى 6،8 ملن.توننانى قۇراپ، 3،4%-عا وسكەن. فيدەرلىك جۇكتەردى اۋىستىرىپ تيەۋ 52،3 مىڭ كونتەينەرلىك بىرلىككە جەتىپ، ءوسىم 2،5 ەسەنى قۇرادى.

اقتاۋ قالاسىنىڭ تۇرعىندارىن ساپالى كوممۋنالدىق قىزمەتپەن قامتاماسىز ەتۋ ماقساتىندا 2024-2026 جىلدارى 44 شاقىرىم ماگيسترالدىق جىلۋ قۇبىرىن جاڭعىرتۋ جوسپارلانعان. بيىل جوبانىڭ 1ء-شى كەزەڭى بويىنشا توزىعى جەتكەن 11،5 ش/ق جىلۋ قۇبىرى تولىق اۋىستىرىلدى. ماڭعىستاۋ وبلىسىن اۋىز سۋمەن قامتۋ ماسەلەسىن كەزەڭ-كەزەڭىمەن شەشۋ ءۇشىن 2025 جىلعا دەيىن جالپى سۋ تۇششىتۋ قۋاتى قۋاتى 140،5 مىڭ تەكشە مەتردى قۇرايتىن 10 جوبانى جۇزەگە اسىرۋ جوسپارلانىپ وتىر.

ماڭعىستاۋدا 30 جىل ۇزىلىستەن كەيىن كاسىبي بالىق اۋلاۋ شارۋاشىلىعىن دامىتۋ قولعا الىندى. كەڭەس ءداۋىرى كەزىندە قارقىندى دامىپ، كەيىن توقتاپ قالعان بۇل شارۋاشىلىقتى قايتا جاڭعىرتۋ ءۇشىن ءبىرقاتار ينۆەستورلار تارتىلدى. بۇگىنگى كۇنى كاسپييدەن بالىق اۋلايتىن زامانۋي كەمەلەر ساتىپ الىندى. كەلەر جىلى تاعى ءتورت كەمە الۋ جوسپارلانىپ وتىر. وسىلايشا 2025 جىلى تەڭىزدەن 20 مىڭ تونناعا دەيىن بالىق اۋلاۋ كوزدەلۋدە.

2024 جىلدىڭ 11 ايىندا شاعىن جانە ورتا كاسىپكەرلىكتە جۇمىس ىستەپ تۇرعان سۋبەكتىلەر 1 ترلن.تەڭگەنىڭ ءونىمىن شىعاردى. بيىل كاسىپكەرلىكتى قولداۋدىڭ ءبىرىڭعاي كەشەندى باعدارلاماسى شەڭبەرىندە 17،5 ملرد.تەڭگە ءبولىندى. بۇل قاراجاتقا 1231 جوباعا قولداۋ كورسەتىلىپ، 411 جۇمىس ورنى ساقتالدى. سونداي-اق، 373 جاڭا جۇمىس ورىنى اشىلۋدا.

ماڭعىستاۋعا شەت مەملەكەتتەر مەن ەل ايماقتارىنان 215 مىڭ تۋريست كەلدى.  بۇل وتكەن جىلمەن سالىستىرعاندا 20%-عا كوپ. تۋريزم سالاسىندا كورسەتىلگەن قىزمەتتەر كولەمى دە 40% ءوسىپ، 6،6 ملرد.تەڭگەنى قۇرادى.

ءبىلىم بەرۋ سالاسىندا دا وڭ وزگەرىستەر كوپ. بيىل ماڭعىستاۋ وبلىسىندا 4 800 ورىندىق 4 مەكتەپ  پايدالانۋعا بەرىلدى، 6 510 ورىندىق 14 جەكەمەنشىك مەكتەپ اشىلدى. «جايلى مەكتەپ» ۇلتتىق جوباسى اياسىندا 13 مەكتەپتىڭ قۇرىلىسى جۇرۋدە.

سونداي-اق، اقتاۋ قالا اۆتوبۋسىنىڭ پاركى 100%-عا جاڭارتىلدى. بيىل ماڭعىستاۋدا ليزينگتىك قارجىلاندىرۋ ارقىلى مەتان وتىنىمەن جۇرەتىن 120 اۆتوبۋس ساتىپ الۋ جوسپارلاندى. بۇگىندە ونىڭ 70 داناسى وبلىسقا جەتكىزىلدى، قالعان 50 داناسى كەلەر جىلدىڭ اقپان ايىندا كەلەدى دەپ كۇتىلۋدە.