كەلەسى جىلى ايلىق ەسەپتىك كورسەتكىش 3 932 تەڭگەگە دەيىن وسەدى. سول ءۇشىن مەملەكەتتىك قۇجاتتاردى دايىنداۋ قۇنى دا كوبەيەدى.
كەلەسى جىلى قازاقستاندىقتار جەكە كۋالىكتى 738 تەڭگەگە (0،2 اەك)، 36 بەتتەن تۇراتىن ستاندارتتى پاسپورتتى 29 536 تەڭگەگە (8 اەك) جاساتادى. ال 48 بەتتىك ءتولقۇجات ءۇشىن مەملەكەتتىك باج مولشەرى – 44 304 (12 اەك).
ايتا كەتەرى، 2024 جىلعى 1 قاڭتاردان باستاپ ەلىمىزدە بالالار پاسپورتى ەكى ەسە ارزاندايدى. ەندى 16 جاسقا دەيىنگى بالالارعا 24 بەتتىك پاسپورت جاساتۋ ءۇشىن مەملەكەتتىك باج 4 اەك نەمەسە 14 768 تەڭگە بولادى.
سونداي-اق نەكە قيۋ تۋرالى كۋالىك – 3 692 تەڭگە (1 اەك) جانە قايتا الۋ – 1 846 تەڭگە (0،5 اەك)، جۇرگىزۋشى كۋالىگى – 4 615 تەڭگە (1،25 اەك) جانە اجىراسۋ تۋرالى ءوتىنىش بەرۋ ءۇشىن – 7 384 تەڭگە (2 اەك) تولەيدى.
ال تۋۋ تۋرالى كۋالىك تەگىن بەرىلەدى. ءبىراق بۇل قۇجاتتى الۋعا قايتا ءوتىنىش بەرگەن جاعدايدا 1 846 تەڭگە (0،5 اەك) تولەۋ كەرەك.
