ول 1930 جىلى 9 مامىردا تۇركىستان وبلىسى جۋالى (قازىرگى تۇلكىباس اۋدانى)، مايتوبە اۋىلىندا دۇنيەگە كەلگەن.

فيلولوگيا عىلىمدارىنىڭ دوكتورى، پروفەسسور مەكەمتاس مىرزاحمەت ۇلى 95 جاسىنا قاراعان شاعىندا دۇنيەدەن ءوتتى.

سۋىت حاباردى الەۋمەتتىك جەلىدەگى پاراقشاسىندا بەلگىلى كومپوزيتور ابيىربەك ءتىنالى مالىمدەدى.

"مەكەمتاس مىرزاحمەتوۆ اعا ءوتىپتى ومىردەن. توپىراعىڭىز تورقا بولسىن، اعا"، – دەپ جازدى ونەر يەسى.

ايتا كەتەيىك، مەكەمتاس مىرزاحمەت ۇلىنىڭ زەرتتەۋ ەڭبەكتەرىندە ابايتانۋ مەن مۇحتارتانۋ، باۋىرجانتانۋ، ياساۋيتانۋدىڭ، ابايدىڭ اقىندىق زەرتحاناسىنىڭ جايى، اقىن مۇراسىنىڭ رۋحاني ءنار العان قاينار كوزدەرى مەن شىعىسپەن بايلانىسى 1965 جىلدان باستاپ دەن قويىلعان.

مەكەمتاس مىرزاحمەت ۇلى – وتباسىنىڭ كەنجەسى. وتباسىندا 12 بالا بولعان. ءبىرى اشارشىلىق جىلدارى ومىردەن وتسە، ەندى ءبىرى سوعىستان ورالماعان، اراسىندا قىزىلشامەن اۋىرىپ، دۇنيەدەن وتكەنى بار. 12 بالادان ءبىر ۇل، ءبىر قىز قالعان. اتا-اناسى بالاسى جاستاي شەشەكتەن ولە بەرگەندىكتەن، "تاستاي قاتتى، بەكەم بولسىن" دەگەن نيەتپەن كەنجە بالاسىنىڭ ەسىمىن مەكەمتاس قويىپتى.

اكەسى مىرزاحمەت 1933 جىلى دۇنيەدەن وتكەن. اشارشىلىق جىلدارى اناسى سەگىز ايلىق قىزى مەن ءتورت جارىم جاسار مەكەمتاستى الىپ، باسقا اۋىلعا قاراي جولعا شىققان. تاۋ مەن تاستىڭ اراسىنان ءوتىپ، اۋىلعا جاقىنداعان تۇستا قاسقىرلارعا تاپ بولىپ، اناسى شاراسىزدىقتان قىزىن قاسقىرلارعا قالدىرىپ، ۇلىن امان الىپ قالعان.