Стивен Пол Джобс (ағылш. Steven Paul Jobs, (Ақпанның 24, 1955 – Қазанның 5, 2011) – америкалық өнертапқыш және бизнес-магнат. Apple корпорациясының негізін қалаушы және директорлар кеңесінің төрағасы болды. Сонымен қатар Стив Джобс Pixar Animation Studios компаниясының СЕО қызметін де атқарды. 2006 жылы The Walt Disney Company Pixar компаниясын сатып алған болатын, ал Стив Джобс Disney компаниясының директорлар кеңесіне мүше болды. 1995 жылы шыққан «Ойыншықтар оқиғасы» атты мульфильмнің атқараушы продюсері ретінде көрсетілген еді.

Стив Джобс АҚШ тарихында табысты компаниялардың бірін құрып қана қоймай, ұзақ жылдар оның басшысы болғандар арасындағы ерекше тұлға. «Apple» интернет технологиялар жағынан әлемдегі ең ірі компанияға айналып, Microsoftты артта қалдырды. "Apple" компаниясы негізінен өзінің жаңа ноутбуктары және «iPhoneн» смартфондары мен «iPad» планшеттері арқылы қалың көпшілікке танымал. 

Ол 56 жасында асқазан безінің қатерл ісігінен қайтыс болды.

Qamshy.kz ақпарат агенттігі Стивен Джобстың өмірлік маңызы бар философиялық ұлағатты сөздерін ұсынады.

***

«Мен іскер адамдардың әлемінде жұрт жетпеген шыңға шықтым, басқа жұрттың көзімен маған қарағандар менің өмірімді керемет табысты өмірдің үлгісі деп санайды. Бірақ, менің өмірімде, жұмыстан басқа қуанышым көп болған емес. Тоқ етерін айтқанда, байлық – менің өмірімнің бір ғана шынайы көрінісі, үйреншікті, қалыптасқан көрінісі.

Қазір төсекте ауру болып жатырмын, бүкіл өмірімді көз алдымнан жүгіртіп өткізсем, менің бар байлығым мен атағым – Ажалға бір күні жетектеп апаратын ең жоғарғы өмір шындығының түкке тұрғысыз, мән-мағынасыз бір нәрсесі ғана екенін түсіндім.

Сіз көлігіңізді жүргізетін адамды жалдап алуыңызға болады, сіз үшін еңбек етіп табыс әкелетін адамдарды жалдап алуыңызға болады, бірақ Сіз ешкімді сіздің ауруыңызды өзіне алып ауыратын адамды ақшаңызға жалдай алмайсыз.

Дүние мен мүлікті іздеп сатып алуыңызға болады. Бір ғана нәрсені – Өмірді, жоғалған өміріңді іздеп, сатып ала алмайсың.

Өмірдің еркетайы болыңыз. Басқаларды сыйлаңыз.

Адам есейген сайын ақылы толысады, түсіне бастайды. 30 доллар тұратын сағат пен 300 доллар тұратын сағат екеуі бірдей уақытты көрсетеді екен...

30 доллар тұратын әмиян мен 300 доллар тұратын әмияннің ішіне бірдей ақша сыяды екен...

150 мың доллар тұратын көлікпен де, 30 мың доллар тұратын көлікпен де, жолы да, қашықтығы бірдей жерге жетеміз...

Бағасы 300 доллар тұратын немесе 10 доллар тұратын шараптың «кайфы» бірдей...

300 немесе 3000 шаршы метрлік пәтерде жалғыз тұрсаң, жалғыздығың екеуінде де бірдей...

Сіздің ішкі жан дүниеңіздің бақыты мал-мүлік пен дүниеден нәр алмайды.

Сіз бірінші класпен немесе эконом класпен ұшыңыз, егер ұшақ құласа, бәрі бірге құлайды.

Егер сіздің сөйлесетін достарыңыз немесе сөйлесіп тұратын адамыңыз болса, біліп қойыңыз, нағыз бақыт сол!

Даусыз бес шындық:

1.Балаларыңды бай болсын деп тәрбиелеме, бақытты болсын деп тәрбиеле. Сонда ғана олар өскенде, дүниенің бағасын емес, әр нәрсенің құндылығын білетін болады.

2.«Асыңды шипалы дәрі деп іш». Олай етпесең, тамағың тек дәрі болады».

3.Сізді сүйетін адамдар, сіз қанша «керексіз» болсаңыз да, сізді ешуақытта тастап кетпейді.

4.Адам болу мен адамгершілікті болудың үлкен айырмашылығы бар.

5.Тез жүргіңіз келсе, жалғыз жүріңіз! Алысқа барғыңыз келсе, бірге жүріңіз!

Әлемдегі ең мықты 6 дәрігер:

1.Күннің сәулесі

2.Демалыс

3.Спорттық жаттығу

4.Диета

5.Өзіңе сенімің

6.Достарың

Өмір бойы осылармен бірге бол... 

 Дереккөздер: madeniportal.kz, kk.wikipedia.org

Аударған: Мақпал Сембай