Маңғыстау облысында Қарақия ауданы Сенек елді мекенінен 90 шақырым қашықтықта орналасқан автожолда болған жолапатынан 10 адам қаза тапты. Жарақат алған 3 жолаушы Жаңаөзен қалалық көпбейінді ауруханасына жеткізілген.
"1964 жылы туған ер адам және 1967 жылы туған әйел адам жансақтау бөліміне жатқызылды, жағдайы ауыр. Сонымен қатар 1960 жылы туған әйел адам аурухананың травматология бөлімінде жатыр, жағдайы тұрақты ауыр", - дейді облыстық денсаулық сақтау басқармасы.
Алдын ала мәліметтер бойынша, "Toyota Hiace" маркалы автокөліктің жүргізушісі рөлге ие бола алмай, салдарынан көлік жол шетіне аударылып кеткен. Көліктің ішінде жолаушылар болған.
