Astanada aıýandyqpen óltirilgen stýdent Erasyl Áýbákirovtiń ólimine qatysy bar dep qamaýǵa alynǵan Nurbek Ájimbaıdyń qorǵaýshysy bolǵan oqıǵaǵa baılanysty qosymsha málimetterdi jarıa etti, - dep habarlaıdy «Qamshy» portaly Tengrinews.kz-ke silteme jasap.

Onyń aıtýynsha, oqıǵaǵa qatysy bar tórt adam anyqtalǵan. Bireýi advokat Ǵabıden Bókenovtiń qorǵaýyndaǵy Nurbek Ájimbaı, ekeýi sonymen birge qamaýda otyrǵan Aıan men Vıtalıı degen jigitter. Taǵy bir A. Meırbaev degen kúdikti búgin tutqyndalǵan.

«Olardyń barlyǵy kotejde bolǵan. Meniń qorǵaýymdaǵy Nurbek, Aıan, Vıtalıı jáne tórtinshi adam. N. Ájimbaı kotejden qashyp shyqqan soń, oǵan telefon soǵyp stýdenttiń ólgenin habarlaǵan. Ol qorqyp, polısıaǵa barǵan», - deıdi advokat.

Zańgerler bolǵan oqıǵany vıdeoǵa túsirý áreketiniń qanshalyqty qylmys ekenine qatysty pikir bildirýde.

«Bolǵan qylmysty vıdeoǵa túsirýge tyıym salynbaǵan. ..Bul úshin qylmystyq jaýapkershilik qarastyrylmaǵan. Biraq, eger ol vıdeoǵa túsirip, biraq, bolǵan jaıdy polısıaǵa habarlamasa ol jaýapqa tartylady. Eger naqty kisi óltirý oqıǵasy ekenin bilse, asa aýyr qylmys týraly aqparatty habarlamaý týraly bappen jazaǵa tartylady», - deıdi zańger Djohar Ýtebekov.