Memlekettik «Bolashaq» stıpendıasymen oqıtyn 1000-ǵa jýyq adam stıpendıadan aıryldy, - dep habarlaıdy «Qamshy» portaly QR Bilim jáne ǵylym mınıstrliginiń «Halyqaralyq baǵdarlamalar ortalyǵy» AQ-na silteme jasap.

Ortalyq basshysy Ǵanı Nyǵymetovtyń aıtýynsha, olardyń 500-i stıpendıadan óz erikterimen bas tartqan. Al, qalǵany sabaq úlgeriminiń tómendiginen, ne bolmasa, basqa sebepterge baılanysty stıpendıadan qol úzgen.

Ǵanı Nyǵymetov bulardyń barlyǵy memleket aldyndaǵy qarjylaı mindettemelerin óteý kerektigin aıtady.

«Barlyq bas tartýshylar olardyń oqýyna memleket jumsaǵan qarajatty 10 paıyzdyq aıyppulymen qosyp qaıtarady. Óıtkeni, olardyń oqýyna ata-analarynyń jyljymaıtyn múlikteri kepildikke qoıylǵan», - deıdi ol.

Ortalyq habarlaǵandaı, sońǵy 3-4 jylda «Bolashaq» 15 adam bas tartqan. Qazirgi tańda 43 stýdentten oqýǵa jumsalǵan qarajat sot arqyly qaıta óndirilip jatqan kórinedi.

Osy rette «Bolashaq» túlekteriniń barlyǵy birdeı elge oralǵasyn jumysqa ornalasyp ketpeıtinin aıta ketý kerek.