Doly da,doly,doly kún!
Jurtymnyń nege joly muń?
Bılikten bastap báriniń,
Jaltaqtyq basqan kóńilin.
Biz Qazaq degen xalyqpyz,
Zamany qalaı qubylsa,
Qısaıtqan sóıtip bórigin.
Qý túlki ǵumyr keshse de,
Júregin bergen bóriniń.
Tilime tıek eteıin,
Taýqymet tartqan búgińgi,
Qazaqtyń árbir óńirin.

Qaraǵandy dep jylaımyn,
Qyzdyra almaǵan kórigin,
Kórshige bergen kómirin.
Sap qurar talaı jigittiń,
Shaxtalar qıǵan ómirin.
Otqa jaǵyp eginin,
Kárister aldy bólshektep,
Qanyshtyń tapqan ónimin.
'Er jaqsysy' degendeı,
Túrmege jaýyp Serigin.
Geı klýbta júr synyǵy,
Keshegi Saken seriniń.

Óskemen dep jylaımyn,
Shýyldap jýrgen shygysym,
Qazaqtar jasap jumysyn,
Orystar asap yrysyn.
Arbalap ketti kúıeýi,
Altaıdyń altyn kúmisin.
Ordasynan aıyrdyq,
Oralxannyń kerbuǵysyn.
Polıgon jutqan Semeıdiń,
Taryltyp bittik tynysyn.
Altaıy qys kelgende,
Tentirep júrgen týysym.
Qaıranda meniń qazekem,
Óz eliń, óz jeriń de,
Ógeı ulttyń birisiń.
Osynsha baıtaq dalamdy,
Qorǵap ed babam kim úshin.
Túbi bir qazaq qolǵa alar,
Er Qabanbaıdyń qylyshyn.

Kereký dep jylaımyn,
Janymdy muńmen sher jeıdi.
Táýelsizdik alsaqta,
Pavldyń aty ólmeıdi.
Kýtýzovtyń ornyna,
Máshekeń nege kelmeıdi?!
Aıtady,kóńil senbeıdi,
Júrekti qaıtyp emdeıdi?
Aspan kózdi qabandar,
Tórimde jatyp jem jeıdi.
Baılyǵyn qazyp qazaqtyń,
Aılyǵyn durys bermeıdi.
bılikte jónge kónbeıdi.
Orys qulasa kóred(i) te,
Qazaq jylasa kórmeıdi.
Minbege kelgen ákimin,
Túrmege salyp jóndeıdi.
Odan da sottamaıdy ma?
Baılyǵymdy tonaǵan,
Ibragımov deıtin ózbekti,
Mashkeevıch degen evreıdi.
Ketkenderdi betimen,
Súndettegen shetinen,
Saǵynyp ketem Shoń bıdi.

Kókshetaý dep jylaımyn,
Aspan súıgen aıdaryn.
babam qorǵap qalǵan jer,
Ushymenen naızanyń.
Aqan seriler shyrqasa,
Oqjetpesiń túgili,
Tyńdatqan deıdi aıǵa ánin.
Sol jerdi keshe orystan,
Qorǵap qalǵan bir túnde,
Ardaqty anam Aıǵanym.
Qadirińdi túsinbes,
Qaraǵaıyńdy qyrqa sap,
Kazıno salǵysh baılaryń.
Jer betiniń jartysy,
Jaz bolsa órip júredi,
Kólińniń qalqyp qaımaǵyn.
Jyn ordasy ǵyp almaıyq,
Han ordasy atanǵan,
Abylaıdyń jaılaýyn!

Qostanaı dep jylaımyn,
Basqadan qoıǵan bastyǵyn.
Otardy salyp aldyna,
Baqtashy qoıǵan qasqyryn.
Qaıranda meniń qazekem,
Taý ǵyp úıgenmen astyǵyn,
Toltyralmaı áli júr,
Túbi tesik qapshyǵyn.
Úmittenip keledi,
Erteń bolar dep jaqsy kún!
Tórimdi taptap sarylar,
Tóremniń baýyry tas búgin.
Jalǵyz qalmasam bolar ed,
Beıitindeı baqsynyń.

Petropavl dep jylaımyn,
Máskeýge burǵan esigin.
Baıý-baıýmen terbetken,
Bóbegi jatqan besigin.
Qyzylsyrap jatpas em,
Qyzyljar bolsa esimim.
Basa kóktep basqa ulttar,
Júrgized deıdi sheshimin.
Babamnan surap keshirim,
Qudaıdyń kúttim nesibin.
Kúter me eken bir baqyt,
Biter me eken Osy kún!

Tarazym dep jylaımyn,
Taýsylmaı qoıdy aý qý synaq.
Aıyr qalpaqty qyrǵyzǵa,
Alaqan jaıǵan sý surap.
Ekimyń jyldyq qaladan,
Eki kún saıyn shý shyǵad.
Rýxym solaı tunshyǵad(y).
Búgińgi Kókek analar,
Dalada qalǵan balalar,
Jaýaby joq myń suraq.
Shúkir etýdiń ornyna,
Qudaıǵa nege qyrsygad(y)?
Senen basqa bir adam,
Ala almaı júr ul surap.
Qaıteıin keıbir adamnyń,
Kókiregine túspeı júr,
Kórge de túsken kún shýaq.

Shymkent dep jylaımyn,
Ózbekter terip maqtasyn,
Kıim qylyp satqasyn.
Kári-jasy jaǵalap,
Sıynyp júrse aralap,
Kesenelerdiń qaqpasyn.
Nuráli deıtin nemeler,
Paıǵambarmyn dep shatqasyn.
Mektepte oqıtyn qyzdardyń,
Aıaǵy aýyrlap jatqasyn.
Aıbozdary Alashtyń,
Qaı jaqqa burdyń at basyn.
Qazaqty azyp-tozýdan,
Qudaıym ózi saqtasyn!

Qyzylorda dep jylaımyn,
Tartylǵan teńiz sýlary.
Geptılinen jer qýrady.
Ýdan jaman ýrany,
Dalamnyń betin ýlady.
Adamnyń kóngish qý jany.
Baıqońyrym bolyp tur,
Reseıdiń týlaǵy
Sol jaıly oılandyma eken?
Kebeje qaryn, keń qursaq,
Bıliktiń bóspe qýlary.
Táýelsizdigim týsa da,
Táýbeli kúnim týmady.

Almaty dep jylaımyn,
Kórińgenimen súıkimdi,
Kóńildi terbep kúı túrli,
Kúnde jıyn mıtıńi.
Týn bolsa jeri julqynyp,
Qashyratyn uıqyńdy.
Almatyny bir kezde,
Alma baǵy deıtindi.
Ujumaqtyń jemisin,
Senen ǵana jıtindi.
Orynyna ordaly,
Baılar soqqan úı turdy.
Taýǵa barsań túrikter,
Qyrǵa barsań qytaılar,
Syǵyp jatyr bıtińdi.
Baıraǵy joq bireýler,
Shekeradan kirip ap,
Shyǵarmasyn ıtindi.
Abaı bol Qazaq balasy,
Táýelsizdiktiń jolynda,
Qanshama bastar úıtildi...

Atyraý dep jylaımyn,
Elmen bir omir súrmegen.
Maxambettiń kezinde,
Qazaqqa eshkim kúlmegen.
Týyńnan bólek adamdar,
Týyrlyǵyńdy tilmegen.
Al qazir saqtanǵan durys,
Syrttan kelgen kirmeden.
Biri bylyqqan dinmenen.
Biri bylyqqan jynmenen.
Munaıyńdy burǵylap,
Mańdaıyńnan urǵylap,
Jigerińdi qum degen,
Jibegińdi júndegen.
Uldaryńdy qul degen,
Qyzdaryńdy kúń degen.
Abaı bol qazaq balasy,
Itpenen bırge uıyqtaǵan,
Birge oıanady búrgemen.
Qarqaram altyn qarnym ash
Qaıda baryp kún kórem?!

Aqtóbe dep jylaımyn,
sózime qulaq salyńdar.
Shaǵylyp jatqan taýym bar,
Talaýǵa túsken malym bar,
Atylyp jatqan erim bar,
Satylyp jatqan arym bar.
Qasqaldaqtaı qanym bar!
Bas barmaqtaı baǵym bar!
Ushyryp adam demeseń,
4 qubylańdy tiregen,
Araq zaýytty jabyńdar.
Aýzynan Alla túspegen,
Qymyzdan basqa ishpegen,
Keshegi qaıda nar uldar?
Hanshalarmenen xanymdar.
Jylamaganda qaıtesiń,
Basqaryp otsa jurtymdy,
Ǵalymdar ketip zalymdar,
Daryndar ketip qaryndar.

Mańǵystaý dep jylaımyn,
Tulpary ketpes kermeden.
Beket atam jatqan jer,
Shyraǵy dinniń sónbegen.
Batystyń bylǵap aıdynyn,
Kaspıdiń soryp baılyǵyn,
Kásip qyp alǵan maı muryn,
Kók attylar júr kóldeneń.
Qaıranda meniń qazekem,
Balyqshynyń ulyndaı,
Teńizde júrip shóldegen.
Janózen jatyr janynda,
Shyńǵyrtyp otqa salsa da,
Shyqpaǵan jany keýdeden.
Qabyrǵasyn qaýsatyp,
Bir-birindep sókse de,
Qabaǵyn shytyp kórmegen.
Kishi júzim aman bol,
Arysy ólip ketse de,
Namysy boıda sónbegen.

Astana dep kúlemin,
Sózi de nur,áni nur,
Áni túgil táni nur,
Táni túgil jany nur,
Jany túgil xany Nur!
Astanada bári júr,
Qazanatymnyń qasynda,
Qaba jaldy jaby júr.
Azamatymnyń qasynda,
Azǵan ury-qary júr.
Karolge sengen damy júr.
Altylyqtyń jaǵdaıy,
Tuz kózirge báribir.
Sýyq qala bolǵanmen,
Saryarqamnyń sáni bul.
Qazaq aman bolsa eken,
Jany bólek, Qany bir!

Qumaı da, qumaı,qumaı kún!
Quldılap tómen qulaımyn.
Kúıbeńmen ótken kúnderge,
Kúlkimdi berip muńaıdym.
Jartykesh tilim zarlanǵan,
Obalyn kimnen suraımyn.
Dinimniń dińi shaıqalǵan,
dáris ap júrmiz shaıtannan,
Qudaıǵa qaıtip unaımyn?!
Shashylǵan eldiń tarydaı,
Shańyraǵyn qaıtip quraımyn?!
Ketigi ketken dúnıeniń,
Tetigin qalaı buraımyn?!
Adasyp bara jatyrmyz,
Amanynda kún-aıdyń.
Eri namysyn taptaǵan,
Eli arysyn joqtaǵan
Qyztekeleri qaptaǵan,
Arýy ardan attaǵan,
Ne zaman boldy aqtaban?
Arylar ma eken bu qaıǵym?
Kók baıraǵymdy qushaqtap,
Qazaqtyǵym dep jylaımyn.
Azattyǵym dep jylaımyn!

Aspanbek Shuǵataev