Túrkıada el astanasyndaǵy lańkestik áreketti uıymdastyrdy degen kúdikpen 22 adam tutqyndaldy. Olardyń barlyǵy «Kúrdistannyń jumysshy partıasymen» baılanysta bolǵan. Bul týraly Premer-mınıstr Ahmet Dáýitoǵly málimdep otyr, - dep jazady khabar.kz.
Onyń aıtýynsha, aldaǵy ýaqytta qaýipsizdik sharalary tek Ankarada ǵana emes, búkil el boıynsha kúsheıtiledi.
Esterińizde bolsa, 17 aqpanda Túrkıa astanasynda sarbazdar mingen avtobýs janynda kólikke qoıylǵan jarylǵysh zat iske qosylǵan bolatyn. Saldarynan 28 adam qaza taýyp, taǵy 81 kisi jaralanǵan. Lańkestik áreket úshin jaýapkershilikti «Kúrdistan erkindiginiń suńqarlary» toby óz moınyna aldy.
Pikir qaldyrý