Ońtústik Qazaqstan oblysy Ordabasy aýdany Amangeldi aýlynda urlanǵan balany kúdiktimen birge kórgen taksıshi anyqtaldy, - dep habarlaıdy «Qamshy» portaly TVK-ǵa silteme jasap.

Taksı júrgizýshisi olardy Temirlan aýlyndaǵy aýdandyq aýrýhanaǵa jetkizgen. Sondaı-aq, ol kelinshektiń taksı qyzmeti úshin kelisilgen somadan 4 ese artyq aqsha tólegenin aıtqan.

Temirlan aýlyndaǵy aýrýhana Shymkent qalasyna jáne áýejaıǵa aparatyn joldyń boıynda ornalasqan. Taksıden túskennen keıin joǵalǵan bala men kúdikti áıeldi eshkim kórmegen.

Esterińizge salsaq, senbi kúni OQO Ordabasy aýdany Amangeldi aýylynda 1-synyp oqýshysy Muhammed Qamshybek degen bala joǵalyp ketken edi. Kýágerler balany 50-55 jas shamasyndaǵy belgisiz kelinshek mekteptiń aldynan ertip ketkenin aıtqan. Qazir polısıa kúdiktiniń fotorobotyn jasap, izdeý sharalaryna kirisken.