Atyraý qalasyndaǵy keıbir kóshelerde sý jaıyla bastady, - dep habarlaıdy «Qamshy» portaly Azattyqqa silteme jasap.

Atyraý qalasy Dossor kóshesindegi 43-úıde turatyn Aıgúl Janǵalıeva 6 aqpannan  beri páteriniń ishinen sý shyǵa bastaǵanyn aıtady.

- Ábden berekemiz ketti, úıdiń qabyrǵalary mújilip, qulap jatyr. Túnde qudaıǵa syıynyp uıyqtaımyz basymyzǵa qulaı ma dep, – deıdi Aıgúl Janǵalıeva.

Atyraý qalalyq ákimdiginiń turǵyn úı, komýnaldyq sharýashylyq bólimi bastyǵynyń orynbasary Edýard Ospanovtyń aıtýynsha, qalada sý basyp jatqan jer jalǵyz Dossor kóshesi emes. Qalanyń Taımanov kóshesin, Eski áýejaı jáne Lesqoz tárizdi shaǵyn aýdandaryn da sý alyp ketken.

 - Biz múmkindiginshe sýdy sordyryp jatyrmyz. Biraq tehnıkany aldymen ortalyq kóshelerge, sodan soń jaǵdaıy joq adamdarǵa jiberemiz. Múmkindigi barlar sýdy ózderi tazalaýy kerek, – deıdi Edýard Ospanov.