Jezqazǵanda esirtki satty degen kúdikpen qamaýǵa alynǵan áıel ýaqytsha ustaý ızolátorynda asylyp qalǵan, - dep habarlaıdy «Qamshy» portaly.

Oqıǵa keshe túski saǵat 12 shamasynda oryn alǵan. Esirtki satty degen kúdikpen 28 aqpan kúni ýaqytsha ustaý ızolátoryna qamalǵan 1979 jyly týǵan kúdikti A. Ýsıpova kamerada shulyǵyna asylyp turǵan jerinen tabylǵan. Polıseıler A. Ýsıpova kamerada jalǵyz bolmaǵanyn, tek janyndaǵy qamaýda otyrǵan ekinshi adam sot prosesine ketken kezde ózine qol jumsaǵanyn aıtýda. Sondaı-aq, kúdikti ózi de esirtki tutynatyndyqtan, aǵzasynda esirtki jetispeýshiliginen bolatyn aýyrtpalyqqa shydamaı ózine qol jumsaýy múmkin degen de joramal qarastyrylýda.

Atalǵan is boıynsha, qylmystyq kodekstiń 105-baby 1-bólimi boıynsha qylmystyq is qozǵalǵan. Tergeý júrgizilýde.