At qoıyp, aıdar taǵýda aldyna qara salmaıtyn aǵaıyn "shúkirshiler" degen ataýdy aınalymǵa engizip, áljelide jerden alyp, jerge salýda. Naqty adamdardyń atyn atap, túsin tústemese de, daýly másele kezinde jurtty sabyrǵa shaqyrǵandardy meńzep, dúnıedegi batpaqtyń bárin japsyryp baǵýda.

Ózim shúkirıstke jatam ba, joq pa, bilmeımin, biraq, sol jelide jurtqa basý aıtqan birqatar shúkirısttiń oflaında da jarǵaq qulaqtary jastyqqa tımeı, usynystar ázirlep, ony tıisti orynǵa jetýine kúsh salyp, buqara men bılik dıalogyn júzege asýyrýǵa barynsha tyrysqanyn naqty bilem. Sol usynystar ishinde moratorıı týraly da, baqylaýdy kúsheıtý týraly da tarmaqtar bolǵan. Tek, ol jigitter jasap jatqandaryn jarıa etpedi.

Ásili, ádep boıynsha, laýazym ıesine nasıxat ońasha jasalady. Óıtkeni, jurt kózinshe aıtqan aqyl aqyl emes, aıyptaýǵa aınalady. Ony estigen laýazym ıesi keńesti qup alýǵa emes, ózin aqtap alýǵa kirisip ketedi. Qala berdi, jarıa aıtylǵan nasıxatty jurt túsinbeı, narazylyq ulǵaıýy múmkin.

Álbette, búgingi jetistik solardyń jumystarynyń nátıjesi dep asylyq aıtýdan aýlaqpyn. Tek kóz aldymyzda, tanys, bilis, syılas adamdardyń aıaq asty dosty dushpan tutyp, qoldan jaý jasap jatqandary janǵa batty. Olarǵa janashyrlyq árkez jarıalylyqtan turmaıtynyn jetkizgim keldi.

"A tak", bylaı, shúkirshi degen jaman at emes. Alla Taǵala Quranda: «Quldarymnyń ishinde laıyqty túrde shúkir etýshiler óte az» (Sábá súresi, 13-aıat) deıdi. Sol azdyń ishinde bolǵanǵa ne jetsin.

Murat Esjannyń «Feısbýktegi» paraqshasynan alyndy