3 mamyr kúni Qoja-Ahmet Iassaýı atyndaǵy halyqaralyq qazaq-túrik ýnıversıtetiniń Mádenıet ortalyǵy zalynda Zýqa batyr Sábıtulynyń 150 jyldyq mereıtoıyna arnalǵan ǵlymı konferensıa ótti, - dep habarlaıdy Qamshy.kz.
Esterińizge sala keteıik, 20-24 sáýir aralyǵynda Qoja Ahmet Iasaýı atyndaǵy Halyqaralyq qazaq-túrik ýnıversıtetinde Alash ardageri Zýqa batyr Sábıtulynyń 150 jyldyq mereıtoıyna oraı Túrki dúnıesi jastarynyń fýtbol, basketbol, qol kúres, qyzdar voleıboly, gır kóterý sıaqty sport oıyndarynan dostyq sport aptalyǵy ótken bolatyn.
Bul sharaǵa 20-dan asa túrik tildes ultpen ulys ókilderi jastary belsene qatysty. Jarystyń ashylý saltanatynda sóz alǵan vıse-prezıdent, profesor B.Muhamedjanov batyr babamyzdyń erlikteri týraly derek, dastandar keń taralǵyndyǵyn, jas urpaqqa keń kólemde nasıhattalý kerektigin atap ótti.
Atalmysh shara 3-mamyr kúni konferensıaǵa ulasty. Sharaǵa túrki dúnıesi jastary jáne oqytýshy-professorlar qatysty. Ǵylymı-tanymdyq konferensıanyń ashylý saltanatynda sóz alǵan Ǵylym jáne ınovasıalyq ister jónindegi vıse-prezıdent, profesor T.Raımberdıev el, jer, táýelsizdik jolynda qurban bolǵan Zýqa batyrdyń ulyqtaý sharalary álemniń 11 elinde atalyp ótip jatqandyǵyn, osy konferensıa barysyndada úlken tolǵamdy oı-pikirler aıtylatyndyǵyn atap ótti. Sondaı-aq, profesor T.Raımberdıev jalpy sharany uıymdastyrǵan jastarǵa alǵys aıtty. Dosent E.Adılbekova ǵylymı baıandamasynda qazaq-túrik tilderine jalpy batyrdyń erlikteri, ómirbaıany týraly dastandardy taldap ótti. Sonymen qatar, jas ǵalymdar, qonaqtar sóz aldy.
Dúnıejúzi qazaqtary qaýymdastyǵy aqsaqaldar alqasynyń múshesi, Zýqa batyrdyń nemeresi Arystan qajy Shádetuly jastarǵa batyrdyń ómirinen qysqasha estelik ǵıbrattar aıtty. Osy babalar ańsaǵan táýelsiz eldiń qadirine jetip, jastarǵa otan súıgish bolýdy dáriptedi. Astanadan kelgen jýrnalıs, aqyn Beısen Ahmetuly jalpy álemdegi ótip jatqan Zýqa babamyzdyń qurmetine arnalǵan sharalar týraly málimettermen bólisip, Halyqaralyq uıymdastyrý alqasy atynan alǵys aıtty.Fılologıa fakúltetiniń stýdenti R.Madakeev Zýqa batyrdyń kúresindegi ózindik erekshelikterin taldap ótti.
Shara sońy batyrǵa arnalǵan óleńderden quralǵan shaǵyn konserttik baǵdarlamaǵa ulasty. Qalalyq óner mektebiniń dırektory Tileýli Turar, Fılologıa fakúltetiniń stýdentteri R.Narǵulan, Ú.Baǵdat batyrǵa arnaý óleńderin oqydy. İs-sharaǵa atsalysqandarǵa «Nur Otan» partıasy Túrkistan qalalyq fılıaly atynan alǵys hattar berildi. Konferensıa qorytyndysynda Ahmet Iasaýı ýnıversıtetinde Alash ardageri Zýqa batyr Sábıtulynyń 150 jyldyq halyqaralyq mereıtoıyn ótkizý alqasy atynan Túrki dúnıesi jastarynyń dostyq sport aptalyǵynyń jeńimpazdary marapattaldy.
Zýqa batyr Sábıtuly - 1866 jyly qazirgi Shyǵys Qazaqstan oblysynyń Zaısan aýdanynda dúnıege kelgen. Zýqanyń ákesi shyǵys óńirine asa tanymal bolǵan Sábıt damola. Arǵy atasy Nurmuhammed abyz. Tekti áýletten shyqqan batyr babamyz, orys otarshyldyǵy men gomındań qytaı ezgisine tap bolǵan qazaq halqyn azat etý jolynda qaza tabady.
Ýnıversıtettiniń aqparat ortalyǵynyń kómegimen daıyndaǵan Buqarbaı B. foto: O.Nazarov.
