Aqyldy adam óziniń qatesinen emes, ózgeniń tájirıbesinen sabaq alady degen sóz bar. Sol sıaqty biz de Ýkraınadaǵy jaǵdaıdan oı túıýimiz qajet. Fashısik Pýtın rejıminiń Qyrymdy táýelsiz memleketten tartyp alýy - barlyq halyqaralyq kelisimderdiń joıylǵanyn kórsetedi. Bir sózben aıtqanda, búgin qol qoıady, erteń óz qolynan bas tartady. Qazaqstanǵa da shabýyldar jasalmaıdy, áskerı operasıa bolmaıdy degen nárseler aıtyldy, biraq, qazir kórip otyrǵanymyzdaı, munyń bári - bos sóz. Demek, eldigimizdi, ulttyǵymyzdy, memleket táýelsizdigi men tutastyǵyn saqtaımyz desek, tek óz-ózimizge, aqylymyzǵa, aılakerligimizge senýimiz ǵana qaldy. AQSH-ta, erkek pen erkektiń mahabbatyn dáriptep, kógildirlerdiń artyn qorǵap júrgen Eýropa da, ózimiz mıf retinde oılap tapqan Túrki elderiniń qaýymdastyǵy da qazaqty qorǵamaıdy. Qorǵaıdy deseńiz, onyń bári bos sóz. Óz basym amerıkandyqtardyń ne fransýzdardyń áskeri kelip, bizdi qorǵap júrgenin kózime elestete almaımyn.  Áskerı operasıaǵa aqsha shashyp, ómirlerin qıýǵa olar barmaıdy. Túrkıa da, tipti qasymyzdaǵy ózbek te solaı. Sondyqtan, búgingi saıasat túlki bolsa, biz tazy bolyp shalýymyz kerek. Endi biz ne isteýimiz kerek? Unasa da, unamasa da aıtaıyn, Reseıden bitispes jaý jasap, sonymen ustasamyz, áskerimizdi salamyz dep, qur tyrashtanbaıyq. Ýkraınadan  Qyrymdy 3 aptada bólip alsa , bizge olardyń 1 aptasy ǵana ketedi. Bizdegi orystardyń úlesi 24 paıyz ekenin eskersek jáne olardyń shovnıstik ambısıasyn qossaq, ishimizden aq Reseı kúl talqanymyzdy shyǵarady. Sondyqtan, menińshe, eń birinshi kezekte mynadaı sharýalardy oılaýymyz kerek:

1. Qazaqtyń sanyn kóbeıtý (Palestına lıderi Iasır Arafattyń sózi bar: "Bizdi qutqaratyn tek qana arab áıeliniń jatyry" degen. Sol sıaqty, qazaqtyń sany qalaı kóbeıedi, oǵan qandaı jaǵdaılar kerek, ne isteımiz bul baǵytta degen saıasatty oılaýymyz qajet). 2. Qazirgi jaǵdaıda Reseımen de, basqa da alpaýyt eldermen de ashyq konfrontasıaǵa barmaı, múmkindiginshe memlekettik táýelsizdigimiz ben tutastyǵymyzdy saqtap qalyýymyz kerek. Pýtın - máńgilik emes, Reseıdiń birinshi ımperıalıs, qanisher ári jaýyz patshasy emes, talaıy boldy, barlyǵy da jahannamǵa, tozaqqa ketti. Bul da ketedi. Báribir birte birte onyń ornyna azdaǵan lıberaldyq kózqarasy bar, jumsaqtaý basshy keledi. Al, ondaı bılik Eýropamen jaqyndasýǵa, birlesýge at salysatyny túsinikti. Endi ómir boıy Batyspen jaý bolyp, qyrǵı qabaq bolyp otyrmaıdy ǵoı! 3. Soltústik oblystardaǵy qazaqtardyń sanyn kóbeıtý qajet. Jumys oryndaryn ashý, úı berý, perspektıva bar degen nárseni qulaqqa sińirsek, ol jaqqa jumyssyz júrgen myńdaǵan qazaqtyń otbasylaryn aparsaq, erteń "bólinemiz!" degen orysty tóbesinen qoıyp, ornyna otyrǵyzatyndaı jaǵdaıda bolady. Al ashyq áskerı qaqtyǵysqa Reseı bara qoımas. Budan basqa da aýqymdy saıası is-sharalar júrgizilýi tıis, árıne. Biraq, eń negizgileri osy dep oılaımyn. Al munyń barlyǵyn júzege asyryp, memlekettigimizdi saqtaǵymyz kelse, belsendilikti arttyryp, ultshyldardyń ıntellektýaldyq deńgeıi qur aıǵaı emes, úlken dárejede ekenin kórsetip, bizdi bılik tyńdamaı qoımaıtyndaı kúıge jetýimiz tıis. Osyndaı oılar, aldaǵy Antıeýrazıalyq forýmdy da, odan ózge de sharalardy da úlken ıntellektýaldyq deńgeıde ótkizsek degen nıetke jeteleıdi.

Janbolat Mamaı