Men bul qorytyndyǵa baıaǵyda kelgem. Bylaı qarasańyzdar, jer máselesi boıynsha qurylǵan Komısıa – ol da qazaq dástúri. Jalpy ulttyq daý paıda bolǵandyqtan jer daýyn sheshetin quryltaı quryldy. Búkil eldi aralap, halyqtyń pikirin bilip sheshim qabyldap jatyrmyz. El aralaıtyndar – elge tanymal tulǵalar.

Memleketimizde QAZAQYLYQ jeńse demokratıa jeńedi, sebebi qazaqtar ǵasyrlar boıy demokratıamen ómir súrdi. Handarymyzdy saıladyq, bılerimiz táýelsiz sot jumysyn atqardy. Aqyndar halyqtyń sózin sóılep, bılikke syn aıtty. «Bas kespek bolsa da til kespek joq» degen zań bolǵan. Memlekettiń eń mańyzdy máselelerdi jalpy ulttyq quryltaıynda talqyǵa salatyn boldy babalarymyz.

Iaǵnı, memleketemizde QAZAQYLYQ jeńse, Qazaqstanda demokratıa men sóz erkindigi degen uǵymdar kúsheıetin bolady, al jemqorlyq joǵalady. Elimizde QAZAQYLYQ jeńse, aqsaqaldar ádemi qartaıady, qyzdar men jigitter abyroılaryn saqtap júredi, qarasaqaldar el tiregi bolyp eńbek atqarady. Bılik halyqtyń qalaýymen memleketti retteıdi. 

Al, qazir biz Reseı ımperıasynyń zańdary boıynsha ómir súrip jatyrmyz. Adal saılaý men demokratıa joq, aqyndardyń tipti aıtysta aýyzdaryn jaýp jatyr. Sózdiń erkindigi joıylyp ketti, jemqorlyq gúldenip tur. Ol túgel qazaqqa jat qoǵamdyq dástúrler, ol Reseı ımperıasynyń dástúrleri - halyqty qul (krepostnye) retinde sanaý, halyqtyń pikirin mensinbeý.

Nege halyq Komısıamyzdy sonshama muqıat kútip qarap otyr? Sebebi bul bılik pen halyqtyń arasynda bir ǵana kezdese alatyn oryn boldy.

Maslıhatta otyrǵan depýtattardy kim biledi, kim tanıdy? Olar halyqpen jıi kezdesip júr me? Ákimder «postanovochnyı» emes halyqpen kezdesýdi jıi ótkize me? Joq! Ótkizip jatsa, «búdjetnıkterdi» jınap ótkizedi, typ tynysh otyratyn. Negizi bılik halyqtan alystady, ol QAZAQYLYQ emes, ol reseıshil menińshe.

Iaǵnı, elimizde demokratıa, sózdiń erkindigi kúsheıtý úshin biz elimizde, áserese bıligimizde QAZAQYLYQTY kúsheıtýimiz jón. Sonda ǵana bizde jemqor men paraqor azaıyp, el damı bastaıdy.

Muhtar Taıjannyń Feısbýktegi paraqshasynan alyndy